Tigmonasti
From Wikipedia, the free encyclopedia
Tigmonasti ya iku gerak nasti akibat saka demèkan (basa Yunani, thigma, artiné demèkan).[1] Gerak iki mligi katon cetha ing pirang-pirang anggota tinemtu anak-suku Mimosoideae saka suku Fabaceae (Leguminosae)[2]
![Thumb image](http://upload.wikimedia.org/wikipedia/commons/thumb/b/bf/Mimosa_pudica.gif/320px-Mimosa_pudica.gif)
Tuladha kang paling cetha ya iku Mimosa pudica utawa kang luwih ditepungi minangka putri malu.[1] Kanthi didemèk, digoyang, dipanasi, digawé atis kanthi rikat, utawa diwènèhi rangsangan listrik, godhong anakan lan godhong bakal mingkup bebarengan kanthi rikat.[1] Yèn mung siji godhong anakan kang dirangsang, rangsangan mau diterusaké ing kabèh tuwuhan, saéngga godhong anakan liyané mèlu mingkup.[1] Anané pamingkupan amarga banyu diangkud menjaba saka sèl motorik ing pulvinus, kadadéan kang gegayutan karo metuné kation K+ (Kalium).
Fungsiné rèspon iki tumrap tuwuhan dinuga yèn mingkupé godhong anakan bakal gawé kagèt lan nggusak gegremet sadurungé mangan godhongé.[1]