Taman Nasional Bunaken

Taman Nasional Bunaken iku taman nasional kang ana ing Sulawesi Lor, Indonésia. Taman nasional iki mapan ing segi telu Terumbu Karang, kang dadi panggon uripé 390 spésies terumbu karang, iwak, moluska, reptil lan mamalia sagara. Taman Nasional Bunaken iku ékosistem sagara ing Indonésia, kang ing jerone ana padhang suket sagara, terumbu karang lan ékosistem pasisir.

Taman Nasional Bunaken
IUCN kategori II (taman nasional)
Pulo Bunaken kasawang saka Pulo Manado Tua.
TN Bunaken Pernahé ing Sulawesi
Pernah	Sulawesi Lor, Indon'rsia
Kutha cedhak dhéwé	Manado
Koordhinat	1°40′N 124°39′E
Laladan	890 square kilometres (89,000 ha)
Dikukuhaké	1991
Dhayoh	ca.35,000[1] (ing 2003-06)
Bebadan pamaréntahan	Kementrian Lingkungan dan Kehutanan

Taman nasional iki didekake taun 1991, ambané kurang luwih 890.65 km². 97% saka taman nasional iki wujud habitat laut, lan kang 3% sisané wujud daratan, ing jerone kalebu limang pulo: Pulo Bunaken, Pulo Manado Tua, Pulo Mantehage, Pulo Naen lan Pulo Siladen.^[2]

Ing papan kang wujud daratan, taman nasional iki akèh tuwuhan kang wujud palem, sagu, woka, silar, lan klapa. Ing papan iki akèh kéwan wujud kethèk ireng Sulawesi (Macaca nigra nigra), rusa (Cervus timorensis russa), lan kuskus (Ailurops ursinus ursinus).^[2]

Werna-warna tuwuhan ing alas bakau Taman Nasional Bunaken kaya ta Rhizophora sp., Sonneratia sp., Lumnitzera sp., lan Bruguiera sp. Ing alas iki akèh kepiting, urang, moluska lan warna-warna manuk kang urip ing sagara, kaya ta manuk camar, bangau, dara sagara, lan cangak.^[2]

Cathetan sikil

1. Management Advisory Board:Entrance fee collection data, retrieved 14-December-2009
2. www.dephut.go.id Archived 2008-08-22 at the Wayback Machine. Taman Nasional Bunaken (diundhuh tanggal 26 Agustus 2011)