From Wikipedia, the free encyclopedia
[1]Surya Dharma Paloh (lair ing Kutaraja, Banda Acèh, Acèh, 16 Juli 1951; umur 72 taun) ya iku Ketua Déwan Penaséhat Parté Golkar.[2] Surya Paloh uga ditepungi dadi pèrs lan pimpinan Media Group kang duwé padinan Media Indonésia, Lampung Post, lan uga stasiun télévisi Metro TV.[2] Lair saka pasangan Daud Paloh lan Nursiah Paloh[2]. Bebarengan karo Sri Sultan Hamengkubuwono X, Surya Paloh ngadegaké Nasional Dhémokrat.[2]
Surya Paloh, lair ing Tanah Rencong.[3] Paloh gedhé ana ing kutha Pematang Siantar, Sumatra Lor, laladan kang nglairaké tokoh-tokoh gedhé kaya TB Silalahi, Adam Malik, Parada Harahap, A.M. Sipahutar, lan Harun Nasution.[2] Paloh dadi pengusaha ing kutha Medan, laladan kang nggedhèkaké tokoh PNI lan tokoh bisnis TD Pardede.[2] Aktifitas pulitik kang njalari Surya Paloh pindhah menyang Jakarta, dadi anggota MPR périodhe kaping pindho. Ana ing kutha metropolitan iki, Surya Paloh banjur ditepungi dadi pengusaha enom saka Indonésia.[2]
Surya Paloh tepung karo donya bisnis nalika isih remaja.[2] Nyambi sekolah Paloh wis dadi bakul tèh, iwak asin, karung goni, lsp.[2] Paloh tuku dagangané saka guruné ana ing donya dagang.[2] Barang mau banjur didoli menyang warung-warung.[2] Ing Medan, Surya Paloh ngadegaké perusahaan karosèri lan nyambi dadi agèn pangadolan montor.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
