Susuhunan Giri Gajah Kadhaton utawa Sunan Giri iku Walisanga lan pangadeg karajan Giri Kedhaton, kang dunungé ing laladan Gresik, Jawa Wétan. Sunan Giri lair ing Blambangan taun 1442[1].. Sunan Giri duwé sawatara dasanama, ya iku Radèn Paku, Prabu Satmata, Sultan Abdul Faqih, Radèn 'Ainul Yaqin lan Jaka Samodra.[2]. Sunan Giri yasa kadhaton ing Giri ing taun 1408 Saka/1486 M lan ing taun sawise jumeneng nata kanthi jejuluk Prabu Satmata.[3] Sunan Giri surut ing taun 1428 Saka/1506 M lan disarèkaké ing Giri Gajah, Kebomas, Gresik.[1] Giri Kadhaton banjur diprintah dening Sunan Giri II.
Ing babad carita akèh kang béda antara carita siji lan sijiné, kaya ta silsilah Sunan Giri [1]. Sajeroning babad akèh kang nyaritakaké ya iku anak Maulana Ishaq, ya iku wong kang mubaligh teka saka Asia Tengah [2]. Maulana Ishaq dicaritakake nikah (kawin) karo Dèwi Sekardadu, ya iku putri saka Menak Sembuyu panguasa tlatah ing Blambangan ing mangsa-mangsa akir kekuasaane Majapahit [1][2].
Panemu liya kang maratélakaké yèn Sunan Giri uga minangka katurunan Rasulullah SAW; ya iku liwat jalur katurunan Husain bin Ali, Ali Zainal Abidin, Muhammad al-Baqir, Ja'far ash-Shadiq, Ali al-Uraidhi, Muhammad al-Naqib, Isa ar-Rummi, Ahmad al-Muhajir, Ubaidullah, Alwi Awwal, Muhammad Sahibus Saumiah, Alwi ats-Tsani, Ali Khali' Qasam, Muhammad Shahib Mirbath, Alwi Ammi al-Faqih, Abdul Malik (Ahmad Khan), Abdullah (al-Azhamat) Khan, Ahmad Syah Jalal (Jalaluddin Khan), Jamaluddin Akbar al-Husaini (Maulana Akbar),Ibrahim Zainuddin Al-Akbar As-Samarqandy (Ibrahim Asmoro), Maulana Ishaq, dan 'Ainul Yaqin (Sunan Giri). Lumrahé panemu mau dhedhasar riwayat pesantrèn-pesantrèn Jawa Wétan, lan cathetan nasab Sa'adah BaAlawi Hadramaut.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
