penyanyi saka Indonesia From Wikipedia, the free encyclopedia
Sulistyowati utawi langkung misuwur kanthi asma Sulis (miyos ing Sala, Jawa Tengah, 23 Januari 1990) inggih punika penyanyi lagu-lagu religius.[1] Namanipun Sulis dados misuwur sasampunipun dhuèt kaliyan penyanyi religius Haddad Alwi ing album Cinta Rasul.[1]
Rumaja putri pasangan Sumadi lan Siti Satinem punika ndhérék dhuèt kaliyan Haddad Alwi ing album Cinta Rasul.[1] Sulis ingkang remen nyanyi wiwit alit punika sampun ngasilaken 12 album, kalebet album singel lan komplikasi, wiwit debutipun ing taun 1999 ngantos dumugi taun 2007.[1] Ing album Cinta Rasul 2, Sulis kaliyan Haddad Alwi, kanthi pambiyantunipun Dwiki Dharmawan, ngliris album orkéstra.[1] Prosés damel album orkéstra punika dipundamel ing Australia.[1] Kados album-album sadérengipun, album orkéstra punika angsal atur sapala ingkang saé saking pandemenipun.[1]
Taun 2007, Sulis ngliris album solonipun ingkang kaping kalih.[2] Album kanthi irah-irahan Ya Allah punika kalebet album kaping kalih welas.[2] Boten kados album sadéréngipun ingkang mawi musik gambus lan rebana, ing album punika dipun-gantos kanthi drum lan gitar.[2]
Album dhuèt Sulis kaliyan Haddad Alwi inggih punika Cinta Rasul 1, Cinta Rasul 2, Cinta Rasul 5, Cinta Rasul 6, Cinta Rasul 7, lan Sulis with Orchestra.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.