Soba

Soba (蕎麦 atau そば, Soba^?) ya iku sawijining mi Jepang kang digawé saka glepung buckwheat (gandum buk). Ing basa Jepang, tuwuhan sereal buckwheat uga diarani soba. Saliyané iku, istilah soba uga bisa ditegesi minangka mi endhog kang asalé saka Tiongkok kang dimasak dadi yakisoba utawa ramèn.

Mori soba

Wong Jepang nduwé tradhisi mangan soba nalika malem taun anyar Jepang. Soba kang dipangan ing wengi sadurungé taun anyar diarani Toshikoshi-soba (soba nglewataké taun). Saliyané iku, uga ana tradhisi mangan soba nalika pindhahan ing omah anyar. Soba kang dipangan iki diarani Hikkoshi-soba (soba pindahan).

Jinis-jinis soba

• Soba seger

Sawiséé dirajang-rajang, soba diwuri glepung supaya ora kelèt lan dilebokaké ing kanthong plastik.

• Soba garing

Soba seger kang digaringaké nganggo hawa panas lan didol kanthi cara diwadhahi plastik.

• Soba godhog

Soba ing wadhah siyap saji, dadi siji karo saos, loncang, lan uga ana tempurané utawa aburage.

• Soba instan

Soba digaringaké nganggo hawa panas utawa digoreng, sadurungé dipangan kudu dijarangi dhisik.

• Soba beku

Soba seger kang dibekokaké lan didol minangka panganan beku ing pasar swalayan gedhé.

Wikimedia Commons duwé médhia ngenani Category:Soba.