From Wikipedia, the free encyclopedia
Loncang utawi onclang utawi Oncang utawi ron brambang, inggih punika salah satunggaling janganan ingkang limrahipun dipun-ginakaken kanggé bumbu wujud wuwuran ing masakan mi ayam, sup, utawi bakso ingkang wonten duduhipun.[1] Kajawi punika, ron brambang ugi asring dipun-ginakaken kanggé isi martabak.[1] Kajawi reginipun ingkang mirah janganan punika ugi kathah gizinipun.[1] Oncang gandanipun kados limrahipun bawang-bawangan.[1] Janganan punika asring dipun-ginakaken kanggé nyedhepaken masakan.[1]
Loncang | |
---|---|
![]() | |
Taneman Loncang | |
Klasifikasi ngèlmiah | |
Karajan: | Plantae |
Dhivisi: | Magnoliophyta |
Klas: | Liliopsida |
Ordho: | Asparagales |
Famili: | Alliaceae |
Génus: | Allium |
Spésies: | A. fistulosum |
Jeneng binomial | |
Allium fistulosum (L.) | |
Loncang gadhah wujud bunder saha panjang kados pipa, nanging wonten ing pérangan pucukipun awujud lancip.[1] Werninipun ingkang pérangan ngandhap radi pethak, déné ronipun awerni ijem sepuh.[1] Ingkang limrahipun dipunkonsumsi saking oncang inggih punika pérangan ron enèm ingkang awerni ijem saha wit semu ingkang awerni pethak.[1]
Loncang gadhah nama latin Allium Fistulosum.[1] Kados dipunsitir saking Times of India, ron loncang tuwuh wonten ing kebon Cina 5.000 taun kapengker.
Kajawi kanggé bahan masakan, oncang ugi saged migunani tumrap kaséhatan.[1] Oncang punika ngandhut unsur-unsur aktif ingkang saged nglawan saha mejahi baktèri saéngga saged dados antibiotik saha saged ngrangsang thukulipun sèl ing badan.[1] Kajawi punika, oncang ugi ngandhut vitamin A saha vitamin C ingkang kathah cacahipun, kalsium, protéin, lemak, karbohidrat, serat saha kalori.[1] Oncang ugi saged ngicalaken iler wonten ing kerongkongan, kanggé tamba rématik, saha anémia utawi kirang rah.[1] Loncang punika gadhah wit semu ingkang inggilipun antawis 60-70 cm.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.