From Wikipedia, the free encyclopedia
Cithakan:Infobox Cheese
Scamorza (dipunsebat ugi scamorze utawi scamorzo) inggih punika kèju jinis pasta filata saking susu sapi ingkang asalipun saking Italia.[1] Conto kèju jinis pasta filata sanèsipun punika Provolone, Caciocavallo, lan Mozzarella[2] Nama scamorza punika ateges "dipunpenggal" wonten ing Basa Italia.[1] Dipunparingi nama kados makaten amargi pitedahan kèju scamorza ingkang padatanipun dipunsukakaken ing sajeroning kanthong lan dipuntalèni mawi tali.[1] Wonten kalih jinis kèju scamorza inggih punika ingkang biyasa lan ingkang dipunasapaken (affumicate).[1]
Scamorza punika kèju ingkang elastis mawi teksturipun ingkang mawi serabut.[3] Kèju punika langkung garing tinimbang kèju Mozzarella.[3] Scamorza gadhah tekstur ingkang lembut lan gadhah warna putih mengkilat mawi rasa susu ingkang samar.[3] Kanthi tradhisional, wujud saking kèju punika kados kanthong arta.[3][4] Bobot kèju scamorza punika antawisipun 200 hingga dumugi 500 gram.[5] Pitedahan saking kèju punika dipundamel saé kaliyan olesan tipis mentega ing lumahipun.[2] Pérangan punika ugi ginanipun kanggé ngirangi evaporasi wonten ing kèju.[2]
Kèju punika dipundamel saking susu ingkang sampun dipunpasteurisasi.[5] Padatanipun susu ingkang dipun-ginakaken punika susu sapi, nanging campuran susu sapi lan susu wedhus gembel saged dipun-ginakaken.[5] Kanggé damel keju punika, susu ingkang dipunperes ing wayah énjing lan susu ingkang dipunperes nalika wanci dalu dipuncampur dados satunggal. Lajeng susu kasebu dipunsaring lan dipunpanasaken ing suhu 36-38 °C.[5] Bibar punika rennet dipuncampur lan dipunnengké kemawon kirang langkung antawisipun 2 dumugi 24 jam. Kanthi ngginakaken sekop kayu, scamorza dipunolah saéngga tèksturipun mawi serabut.[5] Lajeng kèju-kèju mau dipunbentuk mawi tangan dados bola-bola ageng mawi kenop alit ing nginggilipun saéngga kados woh pir.[5] Kèju lajeng dipunbilas mawi toya lan dipunkom wonten setengah jam. Bibar punika, kalih kèju dipuntaleni dados satunggal mawi bolah lan dipunmatengaken kalih minggu. Bibar mateng kèju punika langsung dipunsadé utawi dipunbelukaken rumiyin. Pengasapan dipunlampahi kanggé nutupi kèju mawi gombal lajeng dipunobong wonten ing damen antawisipun 10 dumugi 15 menit. Bibar nglampahi prosès pengasapan lajeng kulitipun dados warna kuning dados warna jingga.[5] Scamorza ingkang dipunasepaken dipunsebat scamorza affumicate lan langkung kondhang tinimbang scamorza biyasa.[3] Scamorza affumicate padatanipun dipunsajèkakan kanggé pasta.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.