Sanandaj

Sanandaj  pangucap  (Kurdhi: سنە‎ Sine; Pèrsi: سنندج‎‎) ya iku kutha krajané Provinsi Kurdhistan lan kutha sana budayané wong Kurdhi ing Iran. Kanthi gunggung cacah jiwa 414.069 wong,^[1] Sanandaj mujudaké kutha paling gedhé ing Iran ing urutan ka-23 lan kuthané wong Kurdhi sing gedhé dhéwé nomer loro. Kutha Sanandaj iki nembé diyasa udakara 200 taun kapungkur, sanajan mangkono, kutha kuwi uwis kasil tuwuh dadi punjering kabudayan Kurdhi.^[2][3]

Sanandaj سنندج سنە Sine
Kutha
Official seal of Sanandaj Lambang
Sanandaj
Koordhinat: 35°18′52″N 46°59′32″E
Nagara	Iran
Provinsi	Kurdhistan (provinsi)
County	Sanandaj (county)
Bakhsh	Central
Pamaréntahan
• Walikutha	Heshmatollah Seydi
Laladan
• Gunggung	3.033 km2 (1,171 sq mi)
Élepasi	1.538 m (5,046 ft)
Cacah warga (2016)
• Gunggung	432.330
• Pepadhet	140/km2 (370/sq mi)
Zona wektu	IRST (UTC+3:30)
• Usum panas (DST)	IRDT (UTC+4:30)
Kodhe laladan	087
Iklim	Csa
Situs wèb	e-sanandaj.ir

Masarakat

Musiyum Sanandaj

Padunungé Sanandaj akèh-akèhé wong Kurdhi. Kutha iki uga duwé minoritas wong Arménia sing alon-alon pindhah saka kutha iki. Nganti Révolusi Iran ing taun 1979, kutha kasebut nduwéni bebrayan cilik sing dumadi saka wong Yahudi sing nuturaké basa Aram lan cacahé udakara 4.000 wong.^[2] Kutha iki nduwé akèh bebrayan wong Suryani sing nyaturaké dhialèk Aram sing mirunggan, sing dikenal minangka Senaya. Ékonominé kutha Sanandaj iku gumantung marang prodhuksi babut, kulit kéwan sing wis digarap, beras sing wus digiling, gula sing disaring, pandhé kayu, tenun kapas, piranti wesi lan piranti mangan.^[4][5]

Dhialèk Ardalani saka basa Kurdhi dituturaké ing Sanandaj lan ing wewengkon sakupengé. Dhialèk Ardani iku dhialèk sing mirunggan ing provinsi Kurdhistan lan dituturaké ing Sanandaj lan kutha-kutha liyané ing provinsi Kurdhistan. Dhialèk liyané saka basa Kurdhi Sorani ya iku Mokriani sing dicaturaké ing wewengkon Mokrian, ing kutha Piranshahr lan Mahabad, prenahé ing provinsi Azerbaijan Kulon.

Ing 27 Fèbruari 2017, salah sawijining griya sakit pawiyatan paling gedhé ing pérangan kulon Iran duwèké nagara dikepyakaké ing Sanandaj, déning Mantri Kasarasan, Hassan Qazizadeh Hashemi.^[6]

Nalika anané Révolusi Iran, kutha iki dikuwasani déning Komalah sawatara wektu.

Wong kondhang saka Sanandaj

Kelompok musik tradhisional Kurdhi sing kondhang saka Sanandaj ya iku The Kamkars, uga ana sawenèh penyanyi misuwur saka wewengkon iki kaya ta, Sayed Ali Asghar Kurdistani, Abbas Kamandi, Nasser Razazi lan Mazhar Khaleqi, saka Sanandaj. Ahli ékonomi uga pangripta saka Swèdhen, asli saka Kurdhi-Iran, Tino Sanandaji lair ing Sanandaj. Kutha iki uga mujudaké papan lairé rapper kondhang asli Kurdhi-Jerman Azad.^[7]

Gladri gambar

• 
• 
• 
• 
• 

Rujukan

1. "آمار جمعیتی شهرستان سنندج :: فرمانداری سنندج". Diarsip saka sing asli ing 7 Agustus 2017. Dibukak ing 10 Novèmber 2017.
2. Geoffrey Khan, The Jewish Neo-Aramaic Dialect of Sanandaj, Piscataway NJ: Gorgias Press, p. 1.
3. Sanandaj Encyclopædia Britannica, retrieved 16 July 2014.
4. "کردستان از نظر نرخ بیکاری در جایگاه دوم کشور قرار گرفت". yjc.ir. Dibukak ing 14 Mèi 2016.
5. "سرمایه‌گذاری در صنعت و معدن کردستان، 4 برابر کمتر از متوسط کشوری است". sanayenews.com. Diarsip saka sing asli ing 11 Juni 2016. Dibukak ing 14 Mèi 2016.
6. "New Hospital in Sanandaj". Financial Tribune (ing basa Inggris Amérika Sarékat). 27 Fèbruari 2017. Dibukak ing 10 Novèmber 2017.
7. "Azad - Fan Lexikon". Fan-Lexikon.de (ing basa Jérman). Dibukak ing 27 Oktober 2017.

Pranala njaba

Wikimedia Commons duwé médhia ngenani Sanandaj.

• Sanandaj Archived 14 February 2021 at the Wayback Machine.
• Sanandaj Online Community
• Islamic Azad University of sanandaj