Réprodhuksi
From Wikipedia, the free encyclopedia
Réprodhuksi iku sawjining prosès biologis nalika individu organisme anyar diprodhuksi [1]. Réprodhuksi yakuwi cara dhasar mempertahanaké dhiri kang diayahi déning kabèh wangun kauripan; saben individu organisme kang ana miangka asil saka siji prosès réprodhuksi déning luluhuré. Cara réprodhuksi kanthi umum dipérang dadi rong jinis: sèksual lan asèksual.
![]() |
Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki. Kanggo ndandani, wacana Pitulung:Aksara Jawa. |
Sajeroning réprodhuksi asèksual, siji individu bisa nglakoni réprodhuksi tanpa cawé-cawé individu liya saka spésies kang padha. Pambelahan sel baktèri dadi rong sèl anak minangka conto saka réprodhuksi asèksual. Sanadyan mangkono, réprodhuksi asèksual ora diwatesi marang organisme sèl siji waé. Akèh-akèhé tetuwuhan uga duwé kamampuan kanggo ngayahi réprodhuksi asèksual.
Réprodhuksi sèksual mbutuhaké cawé-cawé rong individu, racaké saka jinis kelamin kang béda. Réprodhuksi manungsa normal iku conto umum réprodhuksi sèksual. Lumrahé, organisme kang luwih komplèks ngayahi réprodhuksi kanthi sèksual, déné organisme kang luwih prasaja, racaké siji sèl, ngayahi réprodhuksi kanthi asèksual.