juru paraga wadon saka Indhi From Wikipedia, the free encyclopedia
Rani Mukerji (রাণী মুখার্জী jeneng laire Rani Mukherjee lair ning tanggal 21 Maret 1978 , dhèwèké iku aktris saka India.[1] Dhèwèké miwiti debut aktingé karo Raja Ki Aayegi Baraat (1997), lan olih jeneng kaping pisanan awit dhèwèké mainkaé peran ning filem Kuch Kuch Hota Hai (1998) riptané Karan Johan.[1] Amarga perané ning filem mau, dhèwèké olih bebungah ning Filmfare Best Supporting Actress Award.[1] Sawisé iku dhèwèké meranaké peran ning filem kang kondhang, kaya ta Kabhi Kushi Kabhi Gam.[1] Awit taun 2006 dhèwèké diianggep ning insan filem kang duwé prestasi.[1]
Ning taun 2004, penampilané ning hit HUM TUM lan YUVA anggawe dhèwèké olih bebungah Filmfare Best Supporting Actress Award manèh.[1] Dhèwèké olih pujian kanthi mutlak amarga perané dadi wanita bisu tuli ning filem Black (2005), kang anggawe dhèwèké olih bebungah lan nominasi perfileman.[1] AAwit iku, Rani dikenal dadi artis kondhang ning biyoskup Hindi.[1] Ora namung njegur ning donya filem, Mukherjee uga duwé usaha tampil ning talk show bebarengan karo artis kondhang liyané, kaya ta Kareena Kapoor, Shahrukh Khan lan Kajol Devgan.[1]
Ning taun 2010, Rani dikabaraké rabi karo Aditya Chopra.[2] Aditya iku sutradara ning India.[2] Kabare bakal diumumaké sawisé kaluwargané nglakoni tradisi kuna kaluwargané, Durga Puja, kang dilakoni ning sasi Oktober 2010.[2]
Aditya lan Rani terus mbantah babagan berita mau.[2] Digosipaké uga, Aditya nyeceraikaké garwané kanggo ngeresmikaké gayutané karo Rani.[2]
Didelok saka kariré ning Bollywood, Rani dikira wis luntur kakondhangané.[2] Mula, dhèwèké duwé pamikiran kanggo urip bebrayanan lan urip tentrem karo garwané.[2] Aditya dhéwé ngusahakaké kanggo mbalikaké 'pesona' Rani ning filemé kang paling anyar, ya iku filem kang judhulé DIL BOLE HADIPPA, Ning filem mau, Rani mainaké peran karo Shahid Kapoor kang luwih enom saka Rani.[2] Rani kang ngudhunaké aboté pirang kilo kanggo filem mau namung tujuané supaya katon luwi enom lan cocog dipacangaké karo Shahid.[2] Nanging, filem mau ora patiya sukses ning box office lan karir Rani meh rusak gara-gara iku.[2]