Pacar Banyu utawa Impatiens balsamina L ya iku tuwuhan kang asalé saka Asia Kidul lan Asia Kidul-wétan. Pacar banyu kalebu kulawarga Balsaminaceae. Tuwuhan iki wiwit kawanuhaké ing Amérika ing abad 19. Tuwuhan iki kalebu tuwuhan taunan utawa rong taunan lan duwé kembang kang awarna putih, abang, biru terong, lan jambon. Wujud kembangé arep kaya kembang anggrèk kang isih cilik. Dhuwuré tuwuhan iki bisa nganti tekan 1 mèter kanthi gagangé kang kandel lan godhongé kang bergerigi ing pinggiré. Jeneng tlatah pacar banyu ya iku kimhong (Jakarta), pacar cai (Sunda), pacar foya (Bali).[1]
Sunyata Rikat Klasifikasi ngèlmiah, Jeneng binomial ...
Tutup
Oyod pacar banyu duwé kandhungan kimia cyanidin mono-glycoside. Kembangé duwé kandhungan anthocyanins, cyanidin, delphinidin, pelargonidin, malvidin, lan quercetin. Pacar banyu rasané pait lan asipat anget. Pacar banyu bisa kanggo nglancaraké sirkulasi getih, antiradhang, ngilangi rasa lara, kanggo nambani rematik, oyodé bisa kanggo peluruh nalika haid. Déné kembangé bisa kanggo rematik sendhi abuh amarga kathuthuk, peluruh haid, lan radhang kulit. Nanging kanggo ibu-ibu kang lagi ngandhut ora éntuk ngkonsumsi pacar banyu amarga bisa mbebayani janin.[2]