![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bd/Lewishenrymorgan.jpg/640px-Lewishenrymorgan.jpg&w=640&q=50)
Lewis H. Morgan
From Wikipedia, the free encyclopedia
Lewis Henry Morgan atawa Lewis H. Morgan (1818-1881) ya iku antropolog lan ahli hukum saka Amérikah Sarékat kang wis suwé urip karo wong Indian Iroquois ing hulu kali St. Lawrence lan kuloné rano Ontario lan Eric (saiki New York, Amérikah Sarékat).[1] Tulisan étnografi kang ditulis pertama ya iku League of The Ho-de-no-Sau-nie or Iroquois ing taun 1851. Tulisané bab wong Iroquoise iku mbahas sistem bebrayan lan sistem batih. Ing bab iku, Morgan mènèhi sumbangan gedhé kanggo ngèlmu antropologi. Morgan énthuk cara kanggo neliti sistem batih saka éwuan golongan étnis bangsa ing donya kang bédha-bédha. Cara iku dumasar tandha-tandha kesejajaran kang asring antarané sistem istilah bebrayatan (system of kinship terminology) karo sistem bebrayatan (kinship system).[1][2] Cara iki timbul amarga Morgan ketarik ing bédhané istilah bebrayat kanggo nyebut sedulur ing basa Iroquois ora padha isiné karo istilah-istilah bebrayatan ing basa Inggris.
Lewis H. Morgan | |
---|---|
![]() Lewis H. Morgan | |
Lair | (1818-11-21)21 Novèmber 1818 Aurora, Cayuga County, New York, Amérikah Sarékat |
Pati | Dhésèmber 17, 1881(1881-12-17) (umur 63) Rochester, New York, Amérikah Sarékat |
Pakaryan | Antropolog, Ahli Pulitik |
Bojo | Mary Elizabeth Steele |
Anak | Lemuel Morgan, Mary Elisabeth Morgan, Helen King Morgan |
Wong tuwa | Jedediah and Harriet (Steele) Morgan |