panyedhep legi saka kedhelé ireng From Wikipedia, the free encyclopedia
Kécap yaiku salah siji bumbu utawa panyedhep masakan kang wujudé cuwèran kang wernané ireng.[1] Kécap rasané ana kang legi lan ana uga kang asin.[1] Bahan dhasar kanggo nggawé kécap yaiku kedhelé utawa kedhelé ireng.[1] Nanging ana uga kécap kang digawé saka banyu klapa. Kécap kang digawé saka banyu klapa lumrahé rasané asin.[1] Kécap legi lumrahé kenthel lan digawé saka kedhelé nanging kécap asin lumrahé luwih èncèr lan digawé saka kedhelé kanthi komposisi uyah kang luwih akèh, utawa ana uga kang digawé saka iwak sagara.[1] Saliyané saka bahan dhasar kedhelé utawa kedhelé ireng lan banyu klapa, kécap uga ana kang digawé saka ampas padhet saka ampas tahu.[1]
Lumrahé kécap digawé lan diprodhuksi ing usaha kang skalané cilik utawa menengah, saliyané iku kécap uga dadi usaha rumah tangga.[2] Nanging saben indhustri kécap nduwé bumbu rahasia utawa resep mirunggan saéngga rasané kécap kang diasilaké duwé rasa kang luwih énak yèn dibandhingaké kécap liyané.[2] Carané nggawé kécap, sepisanan kedhelé diferméntasi karo kapang Aspergillus sp. lan Rhizopus sp. [2] Dele banjur dadi kaya témpé kedhelé.[2] Témpé iki banjur digaringaké lan direndhem ing larutan uyah.[2] Uyah kalebu senyawa kang selektif karo mikroba.[2] Mung mikroba kang tahan uyah kang bisa thukul ing rendheman kedhelé iki.[2] Mikroba kang thukul ing rendeman banyu dhele iki racaké mikroba jinis khamir lan baktèri kang tahan uyah kaya ta khamir Zygosaccharomyces lan bakteri susu Lactobacillus.[2] Mikroba iki bisa ngrombak protéin dadi asem-asem amino lan komponèn rasa lan aroma.[2] Saliyané iku bakteri jinis iku uga ngasilaké asem.[2]Fermentasi bisa dadi yèn kadar uyah dhuwur yaiku antarané 15 nganti 20%.[2] Bahan-bahan kang dibutuhaké kanggo nggawé kécap yaiku kedhelé, uyah, lan laru tempé.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
