![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ac/Jogja.kraton.jpg/640px-Jogja.kraton.jpg&w=640&q=50)
Kabudayan Jawa
From Wikipedia, the free encyclopedia
Kabudayan Jawa ya iku kabudayané wong Jawa, salah sawijining golongan ètnis ing Indonésia, lan minangka pérangan saka kabudayan Indonésia. Kabudayan Jawa punjere ana ing wewengkon Provinsi Jawa Tengah, Ngayogyakarta lan Jawa Wétan ing Indonésia. Amarga akèhé migrasi wong Jawa kang manéka warna, kabudayan Jawa uga bisa ditemokaké ing wewengkon liya ing donya, kaya ta ing Suriname (kanthi 15% saka populasiné iku turunan wong Jawa), ing wewengkon kapuloan Indonésia kang luwih amba,[1] Kap Melayu,[2] Malaysia, Singapura, Walanda, lan nagara liya. Wong turunan Jawa kang migrasi gawa akèh kabudayan Jawa kang manéka warna jinisé, kaya ta musik gamelan, beksa tradhisional,[3] lan wayang kulit .[4]
![]() |
Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki. Kanggo ndandani, wacana Pitulung:Aksara Jawa. |
![](http://upload.wikimedia.org/wikipedia/commons/thumb/a/ac/Jogja.kraton.jpg/640px-Jogja.kraton.jpg)
Migrasiné wong Jawa menyang sisih kulon, gawé anané kabudayan Jawa pasisir kang beda saka kabudayan Sunda dharatan ing Jawa Kulon. Minangka golongan ètnis kang paling gedhé, kabudayan Jawa wis mrebawani pulitik Indonésia uga kabudayan Indonésia. Bab iki biyasa dikenal minangka prosès Javanisasi.