From Wikipedia, the free encyclopedia
Kéwan klangenan, kéwan ingon, utawa kéwan rumatan ya iku kéwan kang diingu manungsa mligi mung kanggo kanca padinan murih kasenengan. Kéwan klangenan diingu tanpa itungan untung rugi, ora kaya kéwan liyané kaya ta rajakaya, kéwan tunggangan lan kéwan pacoban ing laboratorium.
Kéwan klangenan awèh manfangat kanggo bendarané rupa manfangat fisik lan émosional. Lelungan lumaku karo nuntun asu bisa kanggo srana olahraga, oleh hawa resik lan interaksi sosial. Kéwan klangenan bisa kanggo kanca tumrap kaki nini kang pasrawungané ing masarakat wis suda utawa kang wis urip dhéwèkan.
Kéwan klangenan kang paling umum ya iku asu (mligi ing nagara Éropa) lan kucing. Saliyané kuwi uga terwelu, garangan; jinis kéwan rodentia kaya ta gerbil, hamster, chinchilla, tikus putih, lan marmut; kéwan jinis manuk , kaya ta perkutur, parkit, kenari, kakak tuwa, lan pitik; jinis reptil kaya ta bulus, kadal lan ula; kéwan banyu, kaya ta iwak mas, arwana, koi, louhan lan kodhok-kodhok; lan saka arthropoda kaya ta tarantula lan pong-pongan.
Ana kira-kira 86.4 yuta kucing kang diingu ing Amérika Sarékat, lan kira-kira 78.2 yuta asu ing Amérika Sarékat,[1][2] lan uga 5,3 yuta terwèlu.[3] Kéwan klangenan kang paling populer ing nagara Éropa ya iku kucing lan asu. Ing Amérika Sarékat, 2007-2008 survey nuduhaké yèn rumah tangga kang ngingu asu cacahé luwih akèh tinimbang kang duwé kucing, nanging caka cacah kéwanè isih luwih akèh kucing tinimbang asu. Lan banjur cacahé imbang ing taun 2011.[4]
| kéwan | Populasi Global | Populasi AS | rumah tangga duwé kéwan | U. S. rata-rata saben kulawarga dipanggoni |
|---|---|---|---|---|
| Kucing | 202 | 93.6 | 38.2 | 2.45 |
| Asu | 171 | 77.5 | 45.6 | 1.70 |
| Iwak | N/A | 171.7 | 13.3 | 12.86 |
| Mamalia cilik | N/A | 15.9 | 5.3 | 3.00 |
| Manuk | N/A | 15.0 | 6.0 | 2.50 |
| Reptil & amfibi | N/A | 13.6 | 4.7 | 2.89 |
| Eéuine | N/A | 13.3 | 3.9 | 3.41 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
