Jayakatwang iku bupati Gelang-Gelang sing kraman marang Singhasari ing taun 1292. Dhèwèké banjur ngedegaké manèh Krajan Kadiri, nanging mung bisa ngadeg nganti 1293.
Jayakatwang uga mau kanthi sesebutan liya, ya iku Jayakatong, Aji Katong, utawa Jayakatyeng. ing pawarta Cina, dhèwèké karan Ha-ji-angka tang.[1]
Nagarakretagama lan Kidung Harsawijaya nyebut Jayakatwang iku isih keturunan Kertajaya, raja pungkasan Kadiri. Kacarita ing taun 1222, Ken Arok ngasoraké Kertajaya. Wiwit prastawa iku, Kadiri lumebu wewengkon Singhasari. Bupatiné Jayasabha, putra Kertajaya. Taun 1258 Jayasabha diganti putrané, ya iku Sastrajaya. Ing taun 1271 Sastrajaya diganti putrané, ya iku Jayakatwang.
Ana pangiran yèn Sastrajaya dhaup karo sadulur waon Wisnuwardhana amarga ing prasasti Mula Malurung, Jayakatwang mau keponakan Seminingrat (jeneng liyané Wisnuwardhana). Prasasti iku uga ngandharaké yèn garwa Jayakatwang iku Turukbali putri Seminingrat. Seka prasasti Kudhadhu mau Jayakatwang nduwé putra Ardharaja, sing dadi mantu Kertanagara.
Dadi Jayakatwang lan Kertanagara iku pernah sepupu, ipé, lan uga bésan.
Ing Babad Arya Kanuruhan, Jayakatwang mau putrané Dhandhanggendhis. Déné, Dhandhanggendhis iku putra saka Jayabaya
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
