![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/77/Korean_clothing-Jangot-01.jpg/640px-Korean_clothing-Jangot-01.jpg&w=640&q=50)
Jangot
From Wikipedia, the free encyclopedia
Jangot (장옷) ya iku jinis sandhangan jaba kang digunakake déning wanita Korea ing mangsa Dinasti Joseon minangka kerudung kanggo nutupi rai.[1] Jangot padha karo durumagi, jubah njaba hanbok.[1] Nanging bedane, jangot duweni gulon (git) lan pita pangiket (goreum).[1] Gulon jangot wujudé simetris kanthi pucuk kang pungkasane ing tengah dada duweni pita ing sisih kiwa lan engenkang ora ditalèkaké, nanging dicekel déning panganggone.[1] Wanita nggunakaké sandhangan iki kanggo nutupi awake lan mung ngatonake rai.[1] Miturut adat Konfusianisme ing mangsa Dinasti Joseon, wanita dipenging ngatonake raine marang wong lanang asing, dadi dhèwèké mau padha ndelékake rai kanti pirangpirang cara nalika metu saka omah.[1] Umume kang nggunakaké jangot ya iku kaum wanita bangsawan (yangban).[1] Jinis penutup rai liyané kang digunakake ing mangsa iku ya iku sseugaechima utawa kerudung kang mèmper rok (chima).[1][2] Sseugaechima luwih ciyut lan endek dibandingake jangot lan digunakake padha kaya jangot.[1]
![Thumb image](http://upload.wikimedia.org/wikipedia/commons/thumb/7/77/Korean_clothing-Jangot-01.jpg/320px-Korean_clothing-Jangot-01.jpg)