Hèliyum
From Wikipedia, the free encyclopedia
Hèliyum (Helium, He) iku unsur kimia kang ora duwé warna, ora ngganda, ora ana rasané, ora ngandhut racun, mèh inert, monatomik, lan wujud unsur sepisanan ing seri gas mulia ing tabel périodik lan nduwé nomer atom 2. Titik umub lan titik leburé paling asor tinimbang unsur-unsur liya lan mung ana ing wangun gas kejaba ing kaanan "ekstrem". Kaanan ekstrem uga diperlokaké kanggo nyiptakaké sithik senyawa helium, kang kabèh ora stabil ing suhu lan tekanan standar. Helium nduwé isotop stabil kaloro kang langka kang karan helium-3. Sifat saka cuwèran varitas helium-4; helium I lan helium II; wigati kanggo para panliti kang nyinaoni mekanika kuantum (mligi ing fenomena superfluiditas) lan kanggo panliti kang nggolèki èfèk nyeraki suhu nol absolut kang didarbèni benda (kaya ta superkonduktivitas).
| |||||||||||||||||||||||||
Katrangan Umum Unsur | |||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Jeneng, Lambang, Nomer atom | hèliyum, He, 2 | ||||||||||||||||||||||||
Dhèrèt kimia | gas mulia | ||||||||||||||||||||||||
Golongan, Période, Blok | 18, 1, s | ||||||||||||||||||||||||
Panampilan | ora duwé warna ![]() | ||||||||||||||||||||||||
Massa atom | 4,002602(2) g/mol | ||||||||||||||||||||||||
Konfigurasi elektron | 1s2 | ||||||||||||||||||||||||
Cacahing èlèktron saben kulit | 2 | ||||||||||||||||||||||||
Ciri-ciri fisik | |||||||||||||||||||||||||
Fase | gas | ||||||||||||||||||||||||
Massa jenis | (0 °C; 101,325 kPa) 0,1786 g/L | ||||||||||||||||||||||||
Titik lebur | (ing 2,5 MPa) 0,95 K (-272,2 °C, -458,0 °F) | ||||||||||||||||||||||||
Titik umob | 4,22 K (-268,93 °C, -452,07 °F) | ||||||||||||||||||||||||
Kalor peleburan | 0,0138 kJ/mol | ||||||||||||||||||||||||
Kalor panguapan | 0,0829 kJ/mol | ||||||||||||||||||||||||
Kapasitas kalor | (25 °C) 20,786 J/(mol·K) | ||||||||||||||||||||||||
| |||||||||||||||||||||||||
Ciri-ciri atom | |||||||||||||||||||||||||
Struktur kristal | heksagonal atau bcc | ||||||||||||||||||||||||
Energi ionisasi | pisanan: 2372,3 kJ/mol | ||||||||||||||||||||||||
ke-2: 5250,5 kJ/mol | |||||||||||||||||||||||||
Jari-jari atom (terhitung) | 31 pm | ||||||||||||||||||||||||
Jari-jari kovalen | 32 pm | ||||||||||||||||||||||||
Jari-jari Van der Waals | 140 pm | ||||||||||||||||||||||||
Lain-lain | |||||||||||||||||||||||||
Konduktivitas termal | (300 K) 151,3 mW/(m·K) | ||||||||||||||||||||||||
Isotop | |||||||||||||||||||||||||
| |||||||||||||||||||||||||
Referensi |
Helium iku unsur angka loro paling akèh lan paling ènthèng ing jagad raya lan salah siji unsur kang diciptakaké nalika nukleosintesis Big Bang. Ing Jagad Raya modhèren mèh kabèh helium anyar diciptakaké ing prosès fusi nuklir hidrogen ing njeron lintang. Ing Bumi, unsur iki diciptakaké déning paluruhan radioaktif saka unsur kang luwih abot (partikel alfa ya iku nukleus helium). Sawisé panciptaané, sebagéyané kakandhut ing udara (gas alami) ing konsèntrasi tekan 7% volume. Helium dimurnèkaké saka udara déning prosès pamisahan suhu asor kang karan distilasi fraksional.
Ing taun 1868, astronom Prancis Pierre Janssen ndhétèksi sepisanan helium minangka signatur garis spektral kuning kang ora diweruhi saka cahya saka grahana srengéngé. Wiwit wektu iku kandhutan helium gedhé akèh tinemu ing ladhang gas alam ing Amérika Sarékat, kang wujud panyedya gas gedhé dhéwé. Helium dipigunakaké ing kryogenik, sistem ambegan laut jero, kanggo ngadhemaké magnet superkonduktor, ing "helium dating", kanggo mlembungké balon, kanggo ngangkat kapal udara lan minangka gas pangreksa kanggo panggunaan indhustri (kaya ta "arc welding") lan panuwuhan wafer silikon). Yèn wong nyedhot sithik gas iki bakal njalari owahing sauntara kualitas swarané.