Grahana srengéngé kadadosan nalika posisi Bulan wonten ing antaraning Bumi lan Srengéngé saéngga nutup sapérangan utawi sadaya cahya Srengéngé. Éwadéné Bulan langkung alit, ayang-ayangipun Bulan saged nglindhungi cahya Srengéngé sapenuhipun amargi Bulan ingkang tebihipun kirang langkung 384.400 kilomèter saking Bumi langkung celak kabandhingaken Srengéngé ingkang gadhah tebih kirang langkung 149.680.000 kilomèter.
![](http://upload.wikimedia.org/wikipedia/commons/f/fd/Solar_eclipse_animate_%282006-Mar-29%29.gif)
Grahana Srengéngé saged kapérang dados tigang jinis inggih punika: grahana total, grahana sapérangan, lan grahana cincin. Grahana Srengéngé dipunsebat grahana total manawi puncak grahana, piringan Srengéngé katutup sapenuhipun déning piringan Bulan. Ing wekdal punika, piringan Bulan sami agengipun utawi langkung ageng saking piringan Srengéngé. Ukuran piringan Srengéngé lan piringan Bulan piyambak malih-malih gumantung ing tebihipun jarak Bumi-Bulan lan Bumi-Srengéngé.
Grahana sapérangan dumados manawi piringan Bulan (wekdal puncak gerhana) namung nutup sapérangan saking piringan Srengéngé. Ing grahana punika, mesthi wonten péranganing piringan Srengéngé ingkang boten katutup déning piringan Bulan.
Grahana cincin dumados manawi piringan Bulan (wekdal puncak gerhana) namung nutup sapérangan saking piringan Srengéngé. Grahana jinis pinika kadadosan manawi ukuran piringan Bulan langkung alit saking piringan Srengéngé. Saéngga nalika piringan Bulan wonten ing ngajeng piringan Srengéngé, boten sadaya piringan Srengéngé badhé katutup déning piringan Bulan. Pérangan piringan Srengéngé ingkang boten katutup déning piringan Bulan, wonten ing sakeliling piringan Bulan lan katon mèmper cincin ingkang sumunar.
Grahana Srengéngé boten saged kadadosan langkung saking 7 menit 40 dhetik. Nalika grahana Srengéngé, tiyang dipunlarang ningali Srengéngé kanthi mata telanjang amargi saged ngrisak mripat kanthi permanén lan njalari wuta.
![Thumb](http://upload.wikimedia.org/wikipedia/commons/thumb/c/c7/Solar_eclipse_1999_4.jpg/640px-Solar_eclipse_1999_4.jpg)
Ningali kanthi langsung tumuju fotosfer Srengéngé (pérangan cincin padhang saking Srengéngé) éwadéné namung sapérangan dhetik saged njalari karisakan permanén retina mripat amargi radiasi tinggi ingkang boten katon ingkang dipunpancaraken saking fotosfer. Karisakan ingkang katimbulaken saged njalari wuta. Ngamati grahana Srengéngé mbetahaken pelindhung mripat mirunggan utawi kanthi ngginakaken métode ningali kanthi boten langsung. Kaca mripat sunglasses boten aman kaginaaken amargi boten nyaring radiasi inframerah ingkang saged ngrisak retina mripat.
![]() |
Wikimedia Commons duwé médhia ngenani Category:Solar eclipse. |
- (ing basa Malayu) Rujukan asal
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.