Gunung Gedhé (basa Sundha: Gunung Gedé), iku kalebu gunung kang ana ing Pulo Jawa, Indonésia.[1] Gunung Gedhé dunungé ana ing laladan Taman Nasional Gede Pangrango, kang kalebu salah sijiné saka lima taman nasional kang pisanan dibiwara ing Indonésia ing taun 1980.[1] Gunung iki ana ing tlatah telu kabupatèn, yaiku Kabupatèn Bogor, Cianjur lan Sukabumi, dhuwuré gunung iki yaiku 1.000-3.000 m. dpl, lan ana ing lintang 106°51'-107°02' BT lan 64°1'-65°1 LS.[1] Suhu rata-rata ing pucuk gunung Gede 18 °C lan yèn ing wayah bengi suhu pucuk kira-kira 5 °C, curah udan rata-rata 3.600 mm/taun.[1] Gerbang kang utama mara ing gunung iki yaiku saka Cibodas lan Cipanas.[1]
| Gunung Gedé | |
|---|---|
| Èlevasi | 2,958 metres (9,705 ft) |
Objek Panaliten
Gunung Gedhé kalebu gunung kang kas lan unik, amarga iku, Gunung Gedhé didadèkaké salah sijiné laboratorium alam kang agawé para paneliti seneng karo Gunung Gedhé.[2]
Ana ing taun 1819, C.G.C. Reinwardt wong kang kaping pisan bisa mendaki Gunung Gedhé, sateruse disusul déning F.W. Junghuhn (1839-1861), J.E. Teijsmann (1839), A.R. Wallace (1861), S.H. Koorders (1890), M. Treub (1891), W.M. Docters van Leeuwen (1911); lan C.G.G.J. van Steenis (1920-1952) wis gawé warna-warna wit-witan kanggo dhasar nyusun buku The Mountain Flora of Java kang diterbitake taun 1972.[2]
Gunung Gedhé uga duwé warna-warna ékosistem yaiku formasi-formasi alas submontana, montana, subalpin; sarta ékosistem tlaga, rawa, lan savana.[2]
Obyèk Wisata
Gudung Gedhé utawa Taman Nasional Gede Pangrango uga kalebu objek wisata alam kang éndah lan akèh dikunjungi déning wisatawan domestik lan internasional.[2].Kaya ta:
- Tlaga Biru
- Gerojogan Cibeureum
- Banyu Panas
- Kandhang Batu lan Kandhang Warak
- Pucuk lan Kawah Gunung Gedhé.[2] Ana ing pucuk gunung iki kita bisa deleng Panorama kang wujud sesawangan srengéngé sanres/sanset, kutha Cianjur-Sukabumi-Bogor, atraksi géologi kang apik lan bisa deleng wit-witan kas sakiteré kawah.[2] Ing pucuk iki ana telu kawah kang isih aktif yaiku kawah Lanang, Kawah Ratu lan Kawah Wadon.[2]
- Alun-alun Suryakencana
Cathetan sikil
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
