From Wikipedia, the free encyclopedia
Cithakan:Infobox Cheese
Gruyère ya iku keju kanti tekstur atos kang digawé saka susu sapi mentah saka laladan Gruyère ing Switserlan.[1] Keju Gruyère dijenenggi jumbuh karo désa panggonan keju iki pertama kali digawé.[2] Kulit keju iki kanti keriput lan warnané coklat alami.[2] Keju Gruyère duwé wujud mèh padha karo keju Emmental, nanging keju Gruyère duwèni warna kuning kang luwih peteng.[1] Saliyané iku, prosès pematangan Gruyère luwih suwi ketimbang karo Emmental saéngga teksturé luwih padet lan rasané luwih teges.[1][2]
Sajarah keju Gruyère walé nalika taun 1155.[3][4] Nalika iku para peternak diijinaké kanggo gawé keju kanti nggunakaké peralatan kang disumbangaké déning para biarawan.[3][5] Nanging para peternak mau kudu mènèhi sapérangan saka keju dèwèké marang biarawan mau.[4][5]
Para peternak mau kudu munggah marang gunung kanggo meres susu sapi dhèwèké amarga ing kana ana akèh suket kanggo mènèhi pkan kanggo sapi-sapi mau.[6] Wondèné lelampahan marang gunung ngeselaké banget saéngga ora mungkin kanggo dhèwèké lunga saben dina.[6] Amerga ikulah saben wektu mangsa panas pira-pira pawongan ditugasaké kanggo njaga kelompok sapi duwén ésekabèhané penduduk désa.[6] Wong-wong mau uga duwé tugas kanggo meres susu sapi-sapi mau lan gawé keju saben dina.[6] Keju mau duwé tingkat kelembaban kang endèk saéngga bisa tahan sadawné mangsa panas.[6] Saliyané iku, keju mau uga dagawé sajeroning ukuran kang gédh élan kuwat saéngga ora rusak sajeroning lelampahan mudun gunung.[6] Nganti saiki keju Gruyère isih diprodhuksi kanti ukuran kang gedhé.[4]
Keju iki wujudé bundar kanti ukuran diameter 58 nganti 66 sentimeter lan dhuwur 10 nganti 13 centimeter.[3] Bobot saka keju iki sakiwa-tengené 20 nganti 45 kilogram.[4] Kulit keju iki duwé warna coklat lan kanti tekstur kasar lan lunyu.[3] Keju iki duwé bolongan-bolongan cilik ing pérangan jeroné.[3][7] Bolongan-bolongan mau duwé diameter antarané 4 nganti5 milimeter.[3]
Keju Gruyère digawé kanti nggunakaké susu sapi kang ora di pasteurisasi.[3][7] Susu iki diéntuki saka sapi-sapi kang diwènèhi pakan suket nalika mangsa panas lan merang nalika mangsa dingin.[3] Susu mau kudu langsung diproses ing sajeroning wektu 18 jam sawisé diperes.[3] Kanggo gawé keju Gruyère kanti bobot 35 kilogram, dibutuhaké susu sapi nganti 400 liter.[4] Susu mau dipanasaké kanti suhu 34 °C banjur rennet ditambahaké.[7][8] Didih susu banjur diremik trus dimasak sianmbi diaduk.[3][7][8] Banjur dadih mau dicetak lan diprès nganti 16 jam knggo ngasilaké tekstur kang tos lan padet.[3][8] Sawisé iku keju dikom sajeroning banyu asin suwéné 8 dina.[7][8] Tahap selanjuté ya iku pematengan, suwéné sakiwa-tengené 5 nganti 12 wulan.[3][8] Keju Gruyère Amérika dimatengaké suwéné 3 wulan, wondéné keju Gruyère Switserlan dimatangaké suwéné minimal 5 wulan.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
