From Wikipedia, the free encyclopedia
Gedhung Merdheka salah satunggaling gedhong ingkang dunungipun wonten ing margi Asia-Afrika, Bandung, Indonésia.[1] Gedhung punika kalebet gedhong ingkang gadhah sajarah awit naté dipun-ginakaken kanggé panggènan Konferensi Tingkat Tinggi Asia-Afrika nalika taun 1955.[1] Sapunika gedhong merdheka dipun-ginakaken kanggé musiyum ingkang mameraken piranti-piranti koleksi saha foto-foto Konferensi Asia-Afrika ingkang dados cikal bakal Gerakan Non-Blok ingkang sepisanan nalika taun 1955.[1] Wewangunan punika dipunrancang nalika taun 1926 kaliyan Van Galen Last saha C.P. Wolff Schoemaker.[1] Kekalihipun punika Guru Besar wonten ing Technische Hogeschool (Sekolah Teknik Tinggi), ingkang samangké dipunwasatni ITB.[1] Kekalihipun punika arsitèktur Walanda ingkang misuwue nalika jaman samanten.[1] Gedhung Merdheka punika gadhah nuansa art deco.[1] Déné lantainipun dipundamel saking marmer damelan Italia ingkang keling-keling, ruwangan-ruwangan panggènan kanggé ngunjuk saha sante dipundamel saking kayu cikenhout, déné kanggé paneranganipun dipun-ginakaken lampu-lampu bias kristal ingkang gumantung.[1] Gedhung punika manggèn wonten siti ingkang wiyaripun 7.500 m2.[1]
Wewangunan punika dipunyasa nalika taun 1895 kanthi nama Sociëteit Concordia.[1] Nalika taun 1926 yasan punika dipunrenovasi sedayanipun kaliyan Wolff Schoemacher, Aalbers saha Van Gallen.[1] Nalika jaman Jepang gedhong punika dipunwastani Dai Toa Kaman saha dipun-ginakaken kanggé pusat kabudayan.[1] Nalika jaman proklamasi kamardikan Republik Indonesia nalika tanggal 17 Agustus 1945 gedhong punika dipun-ginakaken kanggé markas pemudha.[1] Kanthi kaputusan pamarintah Republik Indonesia nalika taun 1954 netepaken manawi kitha Bandung dipun-ginakaken kanggé panggènan Konferensi Asia Afrika, pramila Gedhung Concordia kapilih dados panggènan konferènsi punika.[1] Gedhung punika banjur dipunparingi nama Gedhung Merdheka kaliyan Présidhèn Sukarno nalika tanggal 7 April 1955.[1] Nalika wulan Maret taun 1980, Gedhung Merdheka dipun-ginakaken kanggé panyelenggaraan Peringatan kaping 25 Konferensi Asia Afrika ingkang dipuntindakaken tanggal 24 April 1980.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
