Dhaur Nitrogén
From Wikipedia, the free encyclopedia
From Wikipedia, the free encyclopedia
Dhaur nitrogén iku kalebu ing dhaur biogéokimia kang isiné prosés didhauré gas nitrogén.[1] Kabéh organisme iku butuh nitrogén kanggo mbentuk protéin lan molekul-molekul organik ésensial liyané.[1] Unsur nitrogén sapérangan gendhéné iku ana ing atmosfér iku rupané gas nitrogén lan kadharé 78% saka kabéh gas ing atmosfér.[1] Gas nitrogén iki ana ing atmosférlumebu ing jero lemah léwat fiksasi nitrogén déning baktéri (Rhizobium, Azotobactér, Clostridium), alga biru (Ananbaéna, Nostoc) lan jamur(Mycorhiza) nitrogén kang lumebu ing jero lemah léwat fiksasi diowah dadi amonia déning baktéri amonia.[1] Prosès ngurékna nitrogén iki dadi amonia mau amonifikasi.[1] Nitrogén kang lumebu ing lemah bareng karo kilat lan banyu udan kang rupané ésih ion nitrat (NO3-), lan nitrogén kang ana ing tuwuhan lan kéwan léwat prosés mineralisasi déning baktéri pengurai dadi amonia.[1] Amonia kang dikasilna ing prosès amonifikasi lan mineralisasi déning baktèri nitrit (nitrosomonas lan nitrosococcus) diowahi dadi ion nitrit (NO2-).[1] Ion nitrit banjur diowahi déning baktéri nitrat (nitrobactér) dadi ion nitrat (NO3-).[1] Prosès ngowahi amonia dadi ion nitrit, ion nitrit dadi ion nitrat mau nitrifikasi.[1] Tuwuhan lumrahé nyerot nitrogén ing rupa ion nitrat, lan kéwan lumrahé njupuk nitrogén ing rupa senyawa organik (protéin) kang ana ing tuwuhan lan kéwan kang dipangan.[1] Sapérangan ion nitrat diowahi déning baktéri denitrifikasi (Thiobaccillus denitrificans, Pseudomonas denitrificans) dadi nitrogén.[2] Nitrogén kang dikasilna bakal balik manèh ing atmosfér. Prosès ngurèkna ion nitrat dadi nitrogén iku mau dénitrifikasi.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
