Carl Ludwig Blume
From Wikipedia, the free encyclopedia
Karl Ludwig Ritter von Blume (Braunschweig, Jerman, 29 Juni 1789 - 3 Fèbruari 1862) iku botaniwan Jerman-Walanda. Kadhangkala jenengé ditulis nganggo versi Walanda Karel Lodewijk Blume. Tembung "Ritter" iku gelar bangsawan kang bisa dipadhakaké karo "Knight" sajeroning budaya Anglo-Sakson.
Sanadyan duwé kabangsan Jerman, mèh kabèh karier ngèlmiahé digarap ing nagara Walanda lan Hindhia Walanda (saiki Indonésia). Puncak kariré ya iku nalika dadi direktur Rijksherbarium (herbarium karajan) ing Leiden.
Sumbangan paling wigati ya iku kajian kang diayahi tim-é tumrap flora Asia Kidul-wétan, mligi ing Jawa. Dhèwèké iku wakil (deputi) direktur Kebun Botani Bogor wiwit taun 1823 nganti 1826. Blume dhéwé tugas ing Bogor wiwit taun 1818 nganti 1827.
Samulihé saka Hindhia-Walanda dhèwèké dianugerahi gelar bangsawan "ritter" ("ksatria") saka Karajan Walanda.
Jenengé diabadèkaké dadi jeneng siji jurnal botani "Blumea".
Kodhe "Blume" (tanpa titik ing mburi!) ing mburi jeneng ilmiah iku kodhe otorisasi kanggo botaniwan iki.