Baharuddin Lopa
From Wikipedia, the free encyclopedia
From Wikipedia, the free encyclopedia
Baharuddin Lopa, SH. (lair ing Pambusuang, Balanipa, Polewali Mandar, Indonésia, 27 Agustus 1935 – pati ing Riyadh, Arab Saudi, 3 Juli 2001 ing umur 65 taun) inggih punika Jaksa Agung Républik Indonésia ingkang njabat awit tanggal 6 Juni 2001 ngantos dumugi tilar donyanipun nalika 3 Juli 2001.[1] Baharudin Lopa ugi naté njabat dados Duta Ageng Républik Indonésia kanggé Arab Saudi. Nalika taun 1993-1998 panjenenganipun njabat dados anggota Komnas HAM.[2]
Baharuddin Lopa | |
---|---|
![]() | |
Mantri Hukum lan Hak Asasi Manungsa Républik Indonésia 22 | |
Linggih 9 Fèbruari 2001 – 2 Juni 2001 | |
Présidhèn | Abdurrahman Wahid |
Kang sadurungé | Yusril Ihza Mahendra |
Kang sawisé | Marsilam Simanjuntak |
Jaksa Agung Républik Indonésia 17 | |
Linggih 2 Juni 2001 – 20 Juli 2001 | |
Présidhèn | Abdurrahman Wahid |
Kang sadurungé | Marzuki Darusman |
Kang sawisé | Marsilam Simanjuntak |
Rerincèn dhiri | |
Pati | Juli 3, 2001 65)![]() | (umur
Bangsa | Indonésia |
Agama | Islam |
Wiwit njabat dados Jaksa Agung, 6 Juni 2001, minangka gantosipun Marzuki Darusman, Lopa tansah mbudi daya kanggé mbrantas korupsi.[1] Lopa misuwur minangka jaksa ingkang boten gadhah raos ajrih nalika njejegaken hukum lan kaadilan.[1] Panjenenganipun tilar donya ing yuswa 66 taun, ing griya sakit Al-Hamadi Riyadh, tabuh 18.14 wekdal Arab Saudi utawi tabuh 22.14 Wekdal Nuswantara iring Kilèn (WNIK) 3 Juli 2004, ing Arab Saudi, amargi gerah jantung.[1]
Nalika samanten Lopa rawuh ing Riyadh, 26 Juni 2001 kanggé pasrah panampi kalungguhan kaliyan Wakil Kepala Perwakilan Républik Indonésia Kemas Fachruddin.[1] Kemas njabat dados Kuasa Usaha Sawetawis Kedubes RI kanggé Arab Saudi ingkang dunungipun ing Riyadh.[1] Lopa kaliyan robonganipun ngawontenaken ngibadah umroh.[1] Sasampunipun punika Lopa dados gerah amargi fisikipun kirang kiyat, ingkang pungkasanipun panjenenganipun tilar donya.[1]