Baba Nobuharu
From Wikipedia, the free encyclopedia
From Wikipedia, the free encyclopedia
Baba Nobuharu (1514-1575) utawa dikenal karo jeneng Baba Nobufusa ya iku samurai ana ing jaman perang saudara Jepang (periode Sengoku) kang ngabdi marang daimyo saka klan Takeda.[1] Dhèwèké ya iku sawijining saka 24 Jendral paling apik ana ing klan Takeda lan dadi pelayan ana ing telung génerasi Takeda ya iku Nobutora, Shingen, lan Katsuyori.[2] Taun 1541, dhèwèké mbantu Takeda Shingen kanggo kudeta Takeda Nobutora, bapake saka Shingen.[1] Kanggo jasa-lelabuhané iku, Shingen mènèhi kanugrahan Kastil Fukashi ana ing Shinano.[1] Ana ing sangisoré pimpinan Shingen, kariere nanjak pesat lan seringmelu ana ing pertempuran. Prestasine kang nonjol mligi ana ing Pertempuran Kawanakajima II (1555), Kawanakajima IV (1561), Odawara (1569), lan Mikatagahara (1572).[1] Dhèwèké dikenal dadi jéndral kang wicaksana nalika ana ing pertempuran utawané ana ing sanjabane pertempuran.[1] Takeda Shingen mati nalika taun 1573 lan digentèni déning adhine Takeda Katsuyori kang ora cocog karo jéndral-jéndral tuwa kalebu Baba.[1] Baba dikucilake nanging Baba tetep nuduhake kesetiaan nalika ana ing Pertempuran Nagashino, tanggal 29 Juni 1575 nalika wadyabala Takeda kalah lan kelangan punjul 10.000 wong klawan wadyabala Oda Nobunaga lan Tokugawa Ieyasu.[1] Dhèwèké ngalang-ngalangi wadyabala kang nguyak lan mburu Katsuyori beberengan karo wolungpuluh prajurit kang isih ana.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
