Þverstæða
From Wikipedia, the free encyclopedia
Þverstæða eða þversögn er þegar fullyrðing eða fullyrðingar sem virðast vera augljóslega sannar leiða til mótsagnar eða fráleitrar niðurstöðu. Einnig mætti orða það þannig að þverstæða sé fullyrðing sem virðist við fyrstu sýn vera ósönn eða bersýnileg firra en virðist engu að síður leiða af sönnum forsendum.[1] Venjulega er þó annaðhvort um rökvillu að ræða, það er að segja eitthvert skref í röksemdafærslunni er óleyfilegt, eða einhver af forsendunum er þegar öllu er á botninn hvolft ekki sönn.
Dæmi um þverstæður eru þverstæður Zenons, þverstæðan um lygarann og þverstæða Russells.