Árneshreppur er nyrsta sveitarfélagið í Strandasýslu og afskaplega landmikið. Í suðri nær hreppurinn frá Spena undir Skreflufjalli á milli eyðibýlanna Kaldbaks og Kolbeinsvíkur og að norðanverðu að Geirólfsgnúp fyrir norðan Skjaldabjarnarvík.
Árneshreppur | |
|---|---|
 Skjaldarmerki | |
 Staðsetning Árneshrepps | |
| Hnit: 65.980°N 21.453°V | |
| Land | Ísland |
| Kjördæmi | Norðvesturkjördæmi |
| Þéttbýliskjarnar | Engir |
| Stjórnarfar | |
| • Oddviti | Eva Sigurbjörnsdóttir |
| Flatarmál | |
| • Samtals | 705 km2 |
| • Sæti | 31. sæti |
| Mannfjöldi (2024) | |
| • Samtals | 53 |
| • Sæti | 60. sæti |
| • Þéttleiki | 0,08/km2 |
| Póstnúmer | 524 |
| Sveitarfélagsnúmer | 4901 |
| Vefsíða | arneshreppur |
Árneshreppur er þekktur fyrir mikla náttúrufegurð. Þar er forn megineldstöð og þykir svæðið afar áhugavert frá sjónarhóli jarðfræðinga. Þar er mikið af fallegum gönguleiðum.
Árneshreppur er stundum nefndur Víkursveit eftir búsældarlegasta hluta sveitarfélagsins, Trékyllisvík, og er það fornt nafn á hreppnum. Trékyllisvík var vettvangur hörmulegra atburða á tímum galdraofsókna á 17. öld, en þar voru þrír galdramenn brenndir árið 1654 í klettagjá sem kallast Kistan. Út af Trékyllisvík, á miðjum Húnaflóa, var háð eina sjóorrusta Íslandssögunnar, Flóabardagi, árið 1244.
Á svæðinu urðu til vísar að þéttbýli á 20. öld í Kúvíkum, Gjögri, Ingólfsfirði og Djúpavík, einkum í tengslum við hákarlaveiðar og síldveiðar, og eru þar miklar menjar um atvinnulíf og mannlíf.
Verslunarstaður er í Norðurfirði. Þar er góð höfn og þaðan eru stundaðar strandveiðar á sumrin.
Á Gjögri er flugvöllur, þaðan er reglulegt áætlunarflug til Reykjavíkur.
Árneshreppur er fámennasta sveitarfélag Íslands með 53 íbúa 1. janúar 2024.
Jarðir í Árneshreppi árið 1858:
- Kolbeinsvík
- Byrgisvík
- Veiðileysa
- Kambur
- Kjós
- Reykjarfjörður
- Naustvíkur
- Kjörsvogur
- Gjögur
- Reykjanes
- Litla Ávík
- Stóra Ávík
- Finnbogastaðir
- Bær
- Árnes
- Melar
- Norðurfjörður
- Krossnes
- Fell
- Munaðarnes
- Eyri
- Ingólfsfjörður
- Seljanes
- Ófeigsfjörður
- Drángavík
- Drángar
- Skjaldabjarnarvík
- Halldórstaðir, eyðijörð
- Reykjarfjarðarverzlunarstaðarlóð
Tilvísanir
Heimild
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
