Reyðarfjörður

Fyrir fjörðinn, sjá Reyðarfjörður (fjörður).

Reyðarfjörður er kaupstaður á Austfjörðum og dregur nafn sitt af samnefndum firði. Þorpið hét upphaflega Búðareyri, en er nú kallaður Reyðarfjörður. Árið 2024 var íbúafjöldi 1.368 (Hagstofa). Reyðarfjörður er hluti af sveitarfélaginu Fjarðabyggð og er miðkjarni sveitarfélagsins. Bæjarskrifstofur Fjarðabyggðar eru staðsettar á Reyðarfirði. Hafnaraðstaða er mjög góð í firðinum frá náttúrunnar hendi. Álver Alcoa-Fjarðaráls er í firðinum.

Reyðarfjörður
Bær
Byggðin á Reyðarfirði
Reyðarfjörður Staðsetning Reyðarfjarðar
Hnit: 65°1′57″N 14°13′12″V
Land	Ísland
Landshluti	Austurland
Kjördæmi	Norðaustur
Sveitarfélag	Fjarðabyggð
Mannfjöldi  (2024)[1]
• Samtals	1.368
Heiti íbúa	Reyðfirðingar[2]
Póstnúmer	730
Vefsíða	fjardabyggd.is

Reyðarfjörður

Í bænum er íþróttafélagið Valur sem hefur náð hvað bestum árangri í glímu. Fjarðabyggð er með sameiginlegt lið í 2. deild karla í knattspyrnu. Þar er einnig golfvöllur Golfklúbbs Fjarðabyggðar sem nefnist Kollur og er staðsettur í hlíðinni rétt innan við bæinn á Reyðarfirði.

Stutt er í næstu byggðarkjarna; 13km á Eskifjörð, þar sem keyrt er yfir Hólmaháls; 18km á Fáskrúðsfjörð ef keyrt er í gegnum Fáskrúðsfjarðargöngin, sem voru tekin í notkun árið 2005; og 32km í Egilsstaði.