Paul Ehrlich

Paul Ehrlich (fæddur 14. mars 1854, dáinn 20. ágúst 1915) var þýskur læknir og örverufræðingur. Hann stundaðir rannsóknir á ýmsum sviðum heilbrigðisvísinda, einkum sýklafræði og lyfjafræði. Hann er þekktastur fyrir að hafa ásamt Sahachiro Hata uppgötvað fyrsta sértæka sýklalyfið, salvarsan, en það drepur sárasóttarbakteríuna. Hann er einnig þekktur fyrir rannsóknir sínar á sjálfsofnæmi og er einn af upphafsmönnum lyfjameðferðar gegn krabbameini. Ásamt Emil von Behring vann hann að þróun bóluefnis gegn barnaveiki. Hann deildi nóbelsverðlaununum í lífeðlis- og læknisfræði árið 1908 með Ilja Métsjníkoff. Ævi og störfum Ehrlichs voru gerð skil í kvikmyndinni Dr. Ehrlich’s Magic Bullet frá 1940. Edward G. Robinson fór með hlutverk hans í myndinni.

Lífvísindi 19. og 20. öld
Nafn:	Paul Ehrlich
Fæddur:	14. mars 1854 í Strehlen í Neðri-Slésíu í Prússlandi
Látinn	20. ágúst 1915 í Bad Homburg í Hessen
Svið:	Örverufræði, Ónæmisfræði, Læknisfræði
Helstu viðfangsefni:	Þróun bóluefnis gegn barnaveiki, rannsóknir á sjálfsofnæmi, lyfjaleit gegn sárasótt, þróun lyfjameðferðar gegn krabbameini
Markverðar uppgötvanir:	Mastfrumur, hliðarkeðjukenningin, salvarsan
Alma mater:	Háskólinn í Breslau og Háskólinn í Leipzig
Verðlaun og nafnbætur:	Nóbelsverðlaunin í læknisfræði 1908

Paul Ehrlich.

Tenglar

• Æviágrip Ehrlichs á síðu Nóbelnefndarinnar (á ensku)

  Þetta æviágrip er stubbur. Þú getur hjálpað til með því að bæta við greinina.