Listasaga

Listasaga er saga sjónlista frá elstu dæmum um forsögulega list til okkar tíma. Hefðbundin listasaga leggur áherslu á fagurfræðileg einkenni sjónlista, aðgreind frá hagnýtum tilgangi listmuna, þótt þetta tvennt fari saman lengst af í listasögunni. Listasagan fjallar um listsköpun á ýmsu formi, eins og skreytilist, arkitektúr, ljósmyndun, kvikmyndagerð, prentlist, vídeólist og stafræna list.

Venus frá Hohle Fels

Hestamálverk frá hellunum í Lascaux

Gríma Tútankamúns

Venus frá Míló, Alexandros af Antiokkíu

Mona Lisa, Leonardo da Vinci

Les Grandes Baigneuses, Paul Cézanne

Hefðbundin listasaga er gjarnan rakin eftir röð meistaraverka frá ólíkum tímabilum og menningarsvæðum með áherslu á þróun stílviðmiða og listrænna viðhorfa. Listasagan fjallar bæði um hámenningarlist og alþýðulist, en alltaf með áherslu á fagurfræðileg einkenni. Elstu forngripir sem hægt er með vissu að tala um sem „list“ eru þannig um 50.000 ára gamlir.

  Þessi grein er stubbur. Þú getur hjálpað til með því að bæta við greinina.