Kanslari Þýskalands

Kanslari Þýskalands (þýska: Bundeskanzler (1867-1871, 1949-), Reichskanzler (1871-1949)) er formaður ríkisstjórnar Þýskalands og því æðsti maður framkvæmdavalds sambandsríkisins. Hann velur sér ráðherra og ákvarðar stefnu ríkisstjórnarinnar. Kanslarinn er í raun valdamesti stjórnmálamaður landsins en formlega er hann þriðji maður í virðingarröðinni á eftir forseta og þingforseta. Staða hans er sambærileg stöðu forsætisráðherra á Íslandi. Kanslarinn er kjörinn af sambandsþinginu til eins kjörtímabils (4 ára) í senn og hefur sambandsþingið eitt vald til að setja hann af fyrir lok kjörtímabilsins með vantraustsyfirlýsingu.

Núverandi kanslari er Olaf Scholz. Forveri hans, Angela Merkel, var fyrsta konan til að gegna embættinu. Samkvæmt þýskri málvenju bætist viðskeytið -in við Bundeskanzler sé kanslarinn kona og var Merkel því titluð Bundeskanzlerin.

Kanslarar hafa farið fyrir ríkisstjórnum Þýskalands frá 1867, en titillinn á rætur að rekja til embættismanna í hinu heilaga rómverska ríki á miðöldum.

Remove ads

1871-1890 Otto von Bismarck

1890-1894 Leo von Caprivi

1894-1900 Chlodwig zu Hohenlohe-Schillingsfürst

1900-1909 Bernhard von Bülow

1909-1917 Theobald von Bethmann-Hollweg

1917 Georg Michaelis

1917-1918 Georg von Hertling (Zentrum)

1918 Maximilian von Baden

1918 Friedrich Ebert (SPD)

1919 Philipp Scheidemann (SPD)

1919-1920 Gustav Bauer (SPD)