Höskuldur Þórhallsson
From Wikipedia, the free encyclopedia
Höskuldur Þór Þórhallsson (f. 8. maí 1973) er lögfræðingur frá Akureyri og fyrrum þingmaður Norðausturkjördæmis fyrir Framsóknarflokkinn. Hann var kosinn í þriðja sæti á framboðslista á kjördæmisþingi flokksins 13. janúar 2007 og var kjörinn á þing í kosningunum í maí sama ár.
| Höskuldur Þórhallsson (HöskÞ) | |
| Fæðingardagur: | 8. maí 1973 |
|---|---|
| 6. þingmaður Norðausturkjördæmis | |
| Flokkur: |  Framsóknarflokkurinn |
| Nefndir: | Umhverfis- og samgöngunefnd, þingskapanefnd, Íslandsdeild Norðurlandaráðs |
| Þingsetutímabil | |
| 2007-2009 | í Norðaust. fyrir Framsfl. |
| 2009-2016 | í Norðaust. fyrir Framsfl. |
| ✽ = stjórnarsinni | |
| Embætti | |
| 2013-2016 | formaður umhverfis- og samgöngunefndar |
| 2013-2016 | formaður Íslandsdeildar Norðurlandaráðs |
| Tenglar | |
| Æviágrip á vef Alþingis | |
Höskuldur skipaði 2. sæti á lista Framsóknarflokksins í norðausturkjördæmi í Alþingiskosningunum 2009 og 2013. Hann sat í fjárlaganefnd Alþingis 2009-2013. Höskuldur beitti sér gegn því að Icesave samningarnir yrðu samþykktir á Alþingi.
Höskuldur var formaður umhverfis- og samgöngunefndar Alþingis og Íslandsdeildar Norðurlandaráðs frá 2013 til ársins 2016.
Höskuldur var áminntur[1] fyrir störf sín sem lögmaður árið 2024. Hann stóð ekki skil á erfðafjárskatti erfingja dánarbús sem hann var skiptastjóri í og reyndi að villa um fyrir úrskurðarnefnd lögmannafélagisns.
Íslenska nýyrðið Höskuldarviðvörun er kennt við Höskuld Þórhallsson. Hugtakið er skilgreint sem „Viðvörun um að texti eða orð geti eyðilagt spennu fyrir þeim sem vita ekki hvað gerist í tilteknum söguþræði.“ Höskuldarviðvörun er stundum notað sem þýðing á enska hugtakinu spoiler alert.[2]
Uppruni hugtaksins er í atviki sem átti sér stað þann 6. apríl 2016, þegar Höskuldur greindi fjölmiðlum fyrir mistök frá ráðherraskipan í nýrri ríkisstjórn Sigurðar Inga Jóhannssonar, áður en opinber tilkynning hafði verið gefin út um það hvernig ráðuneytunum yrði skipt.[2]
Hugtakið Höskuldarviðvörun birtist fyrst í íslenskum texta á sjónvarpsþáttunum Modern Family sem sýndir voru á Stöð 2 í þýðingu Arnórs Haukssonar síðar í sama mánuði.[3]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
