Allt í drasli

Allt í drasli var íslenskur sjónvarpsþáttur sem var á dagskrá á Skjá einum frá 2005. Þátturinn er íslensk útfærsla á breska þættinum How Clean is Your House?. Þátturinn gekk út á það að farið er heim til fólks þar sem umgengni og hreinlæti er verulega ábótavant og messað yfir heimilisfólki um leið og ræstingafólk tók til og þreif.

Allt í drasli
Kynnir	Heiðar Jónsson (2005-2007) Margrét Sigfúsdóttir Eva Ásrún Albertsdóttir (2007-2008)
Yfirlestur	Hjálmar Hjálmarsson
Upprunaland	Ísland
Frummál	Íslenska
Fjöldi þáttaraða	3
Fjöldi þátta	26
Framleiðsla
Lengd þáttar	22 mínútur
Framleiðsla	Saga Film
Útsending
Upprunaleg sjónvarpsstöð	Skjár Einn
Sýnt	2005 – 2008

Upphaflega voru þáttastjórnendur Heiðar Jónsson snyrtir og Margrét Sigfúsdóttir skólastjóri Hússtjórnarskólans í Reykjavík, en árið 2007 tók Eva Ásrún Albertsdóttir við af Heiðari við hlið Margrétar. Sögumaður var Hjálmar Hjálmarsson. Aðal ræstingamenn sem sáu um mesta vinnu við gerð þáttanna voru Ólafur og Tómas Þórarinssynir.

Þættirnir voru gerðir samkvæmt bresku forskriftinni og mikið er um ýktar raddir, upphrópanir og líkamlegt látbragð til að lýsa yfir vanþóknun yfir ástandinu. Þessi forskrift er nú í notkun við þáttagerð í fjöldamörgum Evrópulöndum, íslenska útgáfan var ellefta staðfæringin á þáttunum.

Meðaltals áhorf á þættina, á meðan þeir voru í sýningu var tuttugu og tvö prósent.

Stutt ágrip þáttaraða

þriðja þáttaröð

Aðalgrein: Allt í drasli (3. þáttaröð)

Eva Ástrún Albertsdóttir kemur fersk inn í stað Heiðars sem kynnir. 3 af 13 heimilum verða valin í stórtækar breytingar í þættinum Innlit/útlit. Þessi þáttaröð er sú síðasta af þættinum Allt í drasli.

Tengill

• S1.is:Allt í drasli Geymt 10 mars 2007 í Wayback Machine

Heimild

• „SagaFilm: Allt í drasli“. Sótt 3. febrúar 2006.

  Þessi sjónvarpsgrein er stubbur. Þú getur hjálpað til með því að bæta við greinina.