Tunglferðin (kvikmynd frá 1902)
From Wikipedia, the free encyclopedia
From Wikipedia, the free encyclopedia
Tunglferðin (franska: Le voyage dans la lune) er frönsk vísindaskáldsögumynd frá 1902 eftir Georges Méliès. Myndin byggist á ýmsum sögum, þar á meðal skáldsögunni Ferðin til tunglsins eftir Jules Verne frá 1865. Í myndinni ferðast hópur stjörnufræðinga til tunglsins með hylki sem skotið er úr risastórri fallbyssu. Þar hitta þeir fyrir tunglbúa sem hafast við neðanjarðar. Þeir komast aftur til jarðar með því að velta hylkinu út í geiminn með reipi, en einn tunglbúinn grípur í reipið og fylgir með þegar hylkið fellur til jarðar og lendir í sjónum þar sem þeim er bjargað.
Fyrsta kvikmyndasýning á Íslandi fór fram á Akureyri þann 27. júní árið 1903 í nýlega reistu húsi Góðtemplarareglunnar þar í bæ. Sýningin var auglýst sem Edisons lifandi ljósmyndir og hafði að geyma nokkrar ólíkar myndir, jafnt frétta- og heimildarmyndir sem leikið efni. Þar á meðal var myndin um Tunglferðina sem þá var ekki nema ársgömul.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.