Taylor Swift
Bandarísk söngkona og lagahöfundur / From Wikipedia, the free encyclopedia
Taylor Alison Swift (f. 13. desember 1989) er bandarísk söngkona og lagasmiður, gítarleikari og leikkona.
Taylor Swift | |
---|---|
Fædd | Taylor Alison Swift 13. desember 1989 (1989-12-13) (34 ára) |
Störf |
|
Ár virk | 2004–í dag |
Tónlistarferill | |
Uppruni | Nashville, Tennessee, BNA |
Stefnur | |
Hljóðfæri |
|
Útgefandi | |
Vefsíða | taylorswift |
Undirskrift | |
Árið 2006 gaf hún út sína fyrstu smáskífu, „Tim McGraw“ og í október sama ár gaf hún út fyrstu hljóðversplötuna sína, Taylor Swift, sem gaf af sér fimm smáskífur og varð þreföld platínu plata. Fyrir vikið fékk Swift tilnefningu til 50. Grammy-verðlaunanna sem „besti nýliðinn“. Í nóvember 2008 gaf Taylor út plötuna, Fearless og í kjölfarið fékk Swift fjögur Grammy-verðlaun, meðal annars fyrir „plötu ársins“ á 52. Grammy-verðlaununum. Fearless og Taylor Swift voru í þriðja og sjötta sæti í lok ársins og höfðu selst í 2,1 milljónum og 1,5 milljónum eintaka. Fearless var á toppi Billboard-listans samfleytt í ellefu vikur, og hafði engin plata verið efst svo lengi síðan árið 2000. Swift var útnefnd listamaður ársins af Billboard-tímaritinu árið 2009. Swift gaf út þriðju stúdíóplötuna sína, Speak Now þann 25. október 2010 sem seldist í 1.047.000 eintökum í fyrstu söluvikunni.
Árið 2008 seldust plöturnar hennar í samanlagt fjórum milljónum eintaka, sem gerir hana að söluhæsta tónlistarmanni ársins í Bandaríkjunum, samkvæmt Nielsen SoundScan. Í dag hefur Swift selt yfir 200 milljónir platna um allan heim.