![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/67/Planta_da_Restitui%25C3%25A7%25C3%25A3o_da_BAHIA%252C_por_Jo%25C3%25A3o_Teixeira_Albernaz.jpg/640px-Planta_da_Restitui%25C3%25A7%25C3%25A3o_da_BAHIA%252C_por_Jo%25C3%25A3o_Teixeira_Albernaz.jpg&w=640&q=50)
Stríð Hollands og Portúgals
From Wikipedia, the free encyclopedia
Stríð Hollands og Portúgals voru langvinn vopnuð átök hollensku verslunarfélaganna Austur-Indíafélagsins og Vestur-Indíafélagsins við Portúgalska heimsveldið. Þau fólust aðallega í árásum hollenskra skipa á nýlendur og verslunarstaði Portúgala. Á vissan hátt var þetta stríð útflutningur á Áttatíu ára stríðinu í Evrópu milli Hollands og Spánar, þar sem Portúgal var á þessum tíma í konungssambandi við Spán. Stríðið hafði þó í raun lítið með Evrópu að gera og snerist aðallega um tilraunir Hollendinga til að skapa nýlenduveldi og stjórna nýlenduversluninni. Stríðið hófst með orrustunni um Bantam í Indónesíu 27. desember 1601 og því lauk með Haagsáttmálanum árið 1661 þar sem Holland lét Portúgal eftir Hollensku Brasilíu.
![Thumb image](http://upload.wikimedia.org/wikipedia/commons/thumb/6/67/Planta_da_Restitui%C3%A7%C3%A3o_da_BAHIA%2C_por_Jo%C3%A3o_Teixeira_Albernaz.jpg/640px-Planta_da_Restitui%C3%A7%C3%A3o_da_BAHIA%2C_por_Jo%C3%A3o_Teixeira_Albernaz.jpg)
Helsta niðurstaða stríðsins var að Portúgal hélt nýlendum sínum í Afríku og Suður-Ameríku en Holland náði að tryggja sér yfirráð yfir nýlendum í Austurlöndum fjær og Suður-Asíu. Englendingar, sem stundum studdu Hollendinga í stríðinu, högnuðust verulega á þessum átökum milli þessara keppinauta sinna.