Soraya Post
From Wikipedia, the free encyclopedia
Soraya Viola Heléna Post (fædd 15. október 1956 í Gautaborg) er sænsk stjórnmálakona og fyrrum evrópuþingmaður fyrir stjórnmálaflokkinn Feministiskt initiativ.
Faðir Post var þýskur gyðingur en móðir hennar var Rómani. Post hefur beitt sér fyrir réttindum rómanskra minnihlutahópa, bæði innan Svíþjóðar og á alþjóðavísu.[1]
Post var í febrúar 2014 útnefnd oddviti Feministiskt initiativ fyrir Evrópuþingskosningarnar í Svíþjóð. Framboðið fékk 5,3% atkvæða í kosningunum, sem tryggir því einn evrópuþingmann.[2] Hún er fyrsti fulltrúi feminísks framboðs til að taka sæti á Evrópuþinginu og fyrsti evrópuþingmaður Svía af rómaættum.[3]