From Wikipedia, the free encyclopedia
Snjóhlébarði (Panthera uncia, áður þekktur sem Uncia uncia) er stórt kattardýr sem lifir í fjallgörðum Mið- og Suður-Asíu í 2500-6000 metra hæð. Snjóhlébarðinn er flokkaður sem tegund í útrýmingarhættu á lista IUCN og er stofninn um 4000-9000 dýr.
| Snjóhlébarði | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||
| Ástand stofns | ||||||||||||||||||
| Vísindaleg flokkun | ||||||||||||||||||
| ||||||||||||||||||
 Útbreiðsla snjóhlébarða | ||||||||||||||||||
| Samheiti | ||||||||||||||||||
|
Þyngd snjóhlébarða er vanalega 27-55 kílógrömm en karldýr geta orðið 75 kílógrömm. Lengd er frá 75-150 cm. Feldurinn er þykkur og grá- eða gulleitur að lit. Blettir eru dökkir og stærri á fótum. Augu þeirra eru fölgræn eða grá sem er óvenjulegt meðal katta. Eyrun eru smágerð til að hindra hitatap en loppurnar breiðar til að dreifa þunganum betur í snjó. Skottið er langt, þykkt og sveigjanlegt til að hjálpa til við jafnvægi í halla og klettabeltum. Það er einnig notað sem fituforði hlébarðarnir nota það líka til að skýla andlitinu.
Snjóhlébarðar eru einfarar nema þegar læður eru með kettlinga og eru virkastir á nóttunni og í rökkri. Kettlingarnir fara úr bælinu þegar þeir eru 2-4 mánaða og fylgja móðurinni í 18-22 mánuði. Dýrin verða kynþroska við 2-3 ára aldur og eru með 15-18 ára lífslíkur.
Snjóhlébarðar geta ráðist á dýr sem eru fjórum sinnum stærri en þeir en leggja ekki í jakuxatarfa og árásir á menn stunda þeir ekki. Gras og hálm leggja þeir sér einnig til munns.
Snjóhlébörðum stafar ógn af manninum: Yfir helming þeirra snjóhlébarða sem týna lífinu drepa bændur vegna árása dýranna á búpening, um 20% lenda í gildrum sem ætlaðar eru öðrum dýrum og önnur 20% eru drepin vegna feldsins. Samkvæmt skýrslu sem gefin var út árið 2016 hefur snjóhlébarðastofninn minnkað um 20% á síðustu 16 árum.[1]
Í þáttunum Snow Leopard – Beyond the Myth (BBC) var fylgst með snjóhlébörðum um 18 mánaða skeið í Hindu Kush-fjöllum.
| Land | Stærð búsvæðis (km2) | Stofnstærð<> |
|---|---|---|
| Afghanistan | 50,000 | 100–200? |
| Bútan | 15,000 | 100–200? |
| Kína | 1,100,000 | 2,000–2,500 |
| Indland | 75,000 | 200–600 |
| Kasakstan | 50,000 | 180–200 |
| Kyrgyzstan | 105,000 | 150–500 |
| Mongólia | 101,000 | 500–1,000 |
| Nepal | 30,000 | 300–500 |
| Pakistan | 80,000 | 200–420 |
| Tajikistan | 100,000 | 180–220 |
| Úzbekistan | 10,000 | 20–50 |
Fyrirmynd greinarinnar var „Snow Leopard“ á ensku útgáfu Wikipedia. Sótt 20. feb. 2017.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
