![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/77/HandewitterWald.jpg/640px-HandewitterWald.jpg&w=640&q=50)
Skógur
From Wikipedia, the free encyclopedia
Skógur er vistkerfi með ríkjandi trjágróðri sem þekur að minnsta kosti 1 hektara og að þekju-hlutfall fullorðinna trjáa sem eru að minnsta kosti 2 metra há sé um og yfir 10%. Séu trén lægri en 2 metrar að hæð kallast þau kjarr. Þetta er skilgreining skógasviðs FAO[1] að öðru leyti en því að þar er gert ráð fyrir að hæð fullorðinna trjáa sé 5 metrar. Skógar hafa mikil áhrif á umhverfi sitt og skapa meðal annars kyrrara loftslag og svokallað nærloftslag (enska: microclimate). Auk þess bindur skógurinn loftraka, mengunarefni og rykagnir úr loftinu, temprar vatnsrennsli á leið til sjávar, dregur úr hávaða í þéttbýli og skapar verðmætar auðlindir sem eru óþrjótandi ef þær eru nýttar með sjálfbærum hætti.
![Thumb image](http://upload.wikimedia.org/wikipedia/commons/thumb/f/fe/Proportion_and_distribution_of_global_forest_area_by_climatic_domain%2C_2020.svg/320px-Proportion_and_distribution_of_global_forest_area_by_climatic_domain%2C_2020.svg.png)
![Thumb image](http://upload.wikimedia.org/wikipedia/commons/thumb/7/77/HandewitterWald.jpg/640px-HandewitterWald.jpg)