Skeljungur
From Wikipedia, the free encyclopedia
Skeljungur (áður Shell á Íslandi) var stofnað þann 14. janúar árið 1928[1] sem íslenskt olíufélag í sameiginlegri eigu Íslendinga og Hollendinga.
Skeljungur hf. | |
Rekstrarform | Almenningshlutafélag |
---|---|
Slagorð | Traustur félagi |
Stofnað | 14. janúar 1928 |
Staðsetning | Borgartún 26 Reykjavík, Ísland |
Lykilpersónur | Jón Ásgeir Jóhannesson, formaður Árni Pétur Jónsson, framkvæmdastjóri |
Starfsemi | Olíusala |
Tekjur | 41,2 milljarðar króna (2020) |
Starfsfólk | 408 |
Vefsíða | www.skeljungur.is |
Björgúlfur Ólafsson, læknir og stofnandi ÍBV í Vestmannaeyjum, hafði starfað sem herlæknir fyrir hollenska herinn í Suðaustur-asíu. Hann sneri aftur til Íslands árið 1926 og stofnaði Shell á Íslandi í slagtogi við hollenska olíufélagið Shell ásamt stórkaupmönnunum Gísla J. Johnsen, Hallgrími Benedikssyni og Hallgrími Tulinius sem og Magnúsi Guðmundssyni þáverandi þingmanni Íhaldsflokksins.[2]
Skeljungur er skráður í Kauphöll Íslands sem SKEL. Félagið selur eldsneyti í lausasölu á rúmlega 60 bensínstöðvum undir vörumerki Orkunnar. Einnig selur fyrirtækið olíu og bensín til fyrirtækja í sjávarútvegi, landbúnaði, landflutningum, flugi og til verktaka.
Fyrirtækið selur einnig áburð og ýmsar aðrar efnavörur. Vörur og þjónusta fyrirtækisins eru seld undir vörumerkjunum Skeljungur, Orkan, Shell á Íslandi og Sprettur – áburður. Samkeppniseftirlitið mat markaðshlutdeild Skeljungs á bilinu 30-35% árið 2008.[3]
Skeljungur var árið 2004 dæmt til að greiða 1,1 milljarð í sekt vegna ólöglegs verðsamráðs við önnur olíufélög en sektin var lækkuð í 450 milljónir eftir áfrýjun.