![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f6/Reykjahl%25C3%25AD%25C3%25B0_%25281%2529.jpg/640px-Reykjahl%25C3%25AD%25C3%25B0_%25281%2529.jpg&w=640&q=50)
Reykjahlíð (Mývatnssveit)
From Wikipedia, the free encyclopedia
Reykjahlíð er byggðakarni á bökkum Mývatns í Mývatnssveit. Hverfið byggðist upp eftir stofnun Kísiliðjunnar, sem nú er horfin, en þar bjuggu 210 manns árið 2019. Á staðnum eru hótel og flugvöllur. Reykjahlíð tilheyrir Skútustaðahreppi og er skrifstofa sveitarfélagsins staðsett í þorpinu. Íþróttafélagið Mývetningur er starfrækt þar.
![Thumb image](http://upload.wikimedia.org/wikipedia/commons/thumb/f/f6/Reykjahl%C3%AD%C3%B0_%281%29.jpg/640px-Reykjahl%C3%AD%C3%B0_%281%29.jpg)
Reykjahlíð er einnig bújörð sem teygir sig frá bökkum Mývatns í vestri, austur til Jökulsár á Fjöllum. Norður að Dettifossi og að fjallinu Eilífi, þar sem sveitarfélagið Norðurþing tekur við. Vestur fyrir og norður fyrir Gæsafjöll þar sem jörðin Þeistareykir tekur við. Suðurmörk jarðarinnar eru í Ódáðahrauni.
Á jörðinni finnst mikill jarðhiti og rekur Landsvirkjun gufuaflsvirkjanir í Bjarnarflagi og við Kröflu. Við Jarðbaðshóla í Bjarnarflagi eru Jarðböðin við Mývatn. Fjölsótt hverasvæði, sem kallast Hverarönd, er rétt austan við Námafjall og Námaskarð.