![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7e/%25D0%25A0%25D0%25BE%25D0%25BC%25D0%25B0%25D0%25BD_%25D0%259F%25D1%2580%25D0%25BE%25D1%2582%25D0%25B0%25D1%2581%25D0%25B5%25D0%25B2%25D0%25B8%25D1%2587.jpg/640px-%25D0%25A0%25D0%25BE%25D0%25BC%25D0%25B0%25D0%25BD_%25D0%259F%25D1%2580%25D0%25BE%25D1%2582%25D0%25B0%25D1%2581%25D0%25B5%25D0%25B2%25D0%25B8%25D1%2587.jpg&w=640&q=50)
Raman Pratasevitsj
Hvítrússneskur blaðamaður og stjórnarandstæðingur / From Wikipedia, the free encyclopedia
Raman Dzmitrievitsj Pratasjevitsj (f. 1995) (hvítrússneska: Раман Дзмітрыевіч Пратасевіч) er hvítrússneskur blaðamaður og stjórnarandstæðingur. Pratasevitsj hefur verið ásakaður af hvítrússneskum stjórnvöldum um ólöglegar samkomur og hvatningu til óeirða. Hann hefur verið settur á lista yfir hryðjuverkamenn. Pratasevitsj rak stöðina Nexta sem fjallaði um forsetakosningarnar 2020 í landinu og var uppspretta heimilda um ólögmætar kosningaaðferðir og mótmæla tengd þeim. Hann hefur búið í Póllandi frá 2019.
![Thumb image](http://upload.wikimedia.org/wikipedia/commons/thumb/7/7e/%D0%A0%D0%BE%D0%BC%D0%B0%D0%BD_%D0%9F%D1%80%D0%BE%D1%82%D0%B0%D1%81%D0%B5%D0%B2%D0%B8%D1%87.jpg/320px-%D0%A0%D0%BE%D0%BC%D0%B0%D0%BD_%D0%9F%D1%80%D0%BE%D1%82%D0%B0%D1%81%D0%B5%D0%B2%D0%B8%D1%87.jpg)
Þann 23. maí var flugvél Ryanair frá Aþenu til Vilníus þar sem Pratasevitsj var um borð beint til Hvítarússlands af herþotum landsins. Flugmálayfirvöld í Hvíta-Rússlandi sögðu að það hefði verið vegna sprengjuhótunar en litáísk flugmálayfirvöld höfðu ekki fengið fregnir af slíku. Pratasevitsj og kærasta hans Sophia voru handtekin við komu á flugvöllinn í Minsk.
Evrópusambandið ákvað í kjölfarið að setja viðskiptaþvinganir á Hvíta-Rússland og bannaði flug frá landinu til Evrópusambandsins. [1]
Eftir handtöku Pratasevitsj birtist hann í sjónvarpsviðtali þar sem hann sagðist hafa skipt um skoðun á hvítrússneska forsetanum Alexander Lúkasjenkó og hvatti landmenn til að hætta að mótmæla stjórn hans. Vinir og bandamenn Pratasevitsj töldu hann hafa verið þvingaðan til að segja þetta.[2]
Pratasevitsj var dæmdur í átta ára fangelsi í maí árið 2023 en síðan náðaður síðar í sama mánuði.[3]