Múskat (krydd)
From Wikipedia, the free encyclopedia
Múskat er krydd gert úr aldini nokkurra sígrænna trjáa af múskatviðarætt sem eru upprunnin á Mólúkkaeyjum í Indónesíu, aðallega múskattrés (Myristica fragrans). Aldinið er gult, egglaga hýðisaldin um 20-30 mm langt og 15-18 mm breitt og vegur milli 5 til 10 gr þurrkað. Frækjarninn er umlukinn rauðgulu, sepóttu hýði (múskatblómi). Hnetan og hýðið eru rifin niður og notuð sem krydd. Bragðið er mjög svipað, en hnetan hefur ögn sætara bragð og blómið mildara bragð.
Allt múskat í heiminum kom frá Bandaeyjum fram á 19. öld. Það hefur fundist í 2000 ára gömlum gröfum í Egyptalandi, en barst fyrst til Evrópu á 6. öld.