![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/26/Himalayan_blue_poppy_in_a_Scottish_garden.jpg/640px-Himalayan_blue_poppy_in_a_Scottish_garden.jpg&w=640&q=50)
Blásólir
From Wikipedia, the free encyclopedia
Blásólir (fræðiheiti: Meconopsis[2]) er ættkvísl með tæplega 100 tegundir jurta ættuðum frá Asíu (Kína, Bútan, Myanmar, Nepal, Pakistan, Indland, Bangladesh).[3] Fjöldi tegunda er á reiki, en margar tegundanna blandast auðveldlega og eru frá óaðgengilegum svæðum auk þess að nokkur fjöldi tegunda deyr eftir blómgun, sem getur valdið vandræðum við að viðhalda þeim í grasagörðum.
![]() Garðablásól Meconopsis betonicifolia | ||||||||||||
Vísindaleg flokkun | ||||||||||||
| ||||||||||||
Einkennistegund | ||||||||||||
Meconopsis regia G.Taylor (typ. cons.)[1] | ||||||||||||
Þær eru vinsælar í görðum vegna stórra blómanna og oft skærra litanna, en það er helst garðablásól og áþekkar fjölærar tegundir. Þær eru flestar frá hátt í Himalajafjöllum og þrífast því sumar betur á Íslandi en víða annarsstaðar.
Upphaflega var ættkvíslin stofnuð með aðeins eina tegund; gulsól (Meconopsis cambrica), sem var þá um leið einkennistegund ættkvíslarinnar.[4] Nýlegar erfðagreiningar hafa nú leitt í ljós að sú tegund á fremur heima undir venjulegum valmúum (Papaver) undir heitinu Papaver cambricum.[5] Vanalega er þá ættkvíslarnafnið þá lagt niður, en vegna þess hve það hefur orðið fast í sessi, þá var kóngablásól látin vera einkennistegund í staðinn.[6][1] Ekki er þó enn bitið úr nálinni með flokkunina, því sumir grasafræðingar leggja til að færa ættkvíslina í heild sinni undir Papaver, en skyldleiki tegunda valmúa virðiust liggja sitt hvoru megin við blásólir.[7]