Lítri

Lítri (skammstafað sem l eða ltr) er lagarmálseining. Einn lítri jafngildir einum rúmdesimetra, þ.e. 1 l = 1 dm³. Lítrar eru fyrst og fremst notaðir til að mæla minni háttar vökvamagni, en sé um mikið magn að ræða eru notaðar stærri rúmmálseiningar, eins og rúmmetrar.

Afleiddar einingar lítra eru með smækkunar- og stækkunarforskeytum þessar: millilítri, sentilítri, desilítri, (lítri), dekalítri, hektólítri, kílólítri. Í hverju skrefi er tíföld stækkun. Þannig eru 1000 millilítrar í einum lítra og 10000 sentilítrar í einum hektólítra, svo að dæmi séu tekin. Lítið vökvamagn eins og til dæmis fljótandi lyf er að jafnaði mælt í millilítrum. Áfengisskammtar eru mældir í sentilítrum (1 einfaldur = 3 sentilítrar). Við matargerð og bakstur er iðulega miðað við desilítra. Menn kaupa mjólk og bensín í lítratali og heitt vatn frá hitaveitu í lítrum á mínútu. Dekalítraeiningin sést nánast aldrei notuð og hektólítrar sjaldan. Kílólítri (kl) er ekki notaður vegna þess að 1 kl jafngildir 1 rúmmmetra og menn nota heldur rúmmetra.

Lítri tengist metrakerfinu samkvæmt skilgreiningu, en er ekki SI-mælieining. Margar Evrópuþjóðir nota lítra, nema helst Bretar og Bandaríkjamenn, sem nota lagarmálseiningarnar fluid ounce, pint, quarter, gallon o.s.frv. (Ath. að munur er á breskum og bandarískum lagarmálseiningum með sama heiti, en að jafnaði eru þær bresku stærri en þær bandarísku.)

Margfeldi

Margfeldi	Nafn	Tákn		Jafngilt rúmmál			Margfeldi	Nafn	Tákn		Jafngilt rúmmál
100 L	lítri	l	L	dm³	rúmdesimetri
101 L	dekalítri	dal	daL	(10 dm³)			10–1 L	desilítri	dl	dL	(100 cm³)
102 L	hektólítri	hl	hL	(100 dm³)			10–2 L	sentilítri	cl	cL	(10 cm³)
103 L	kílólítri	kl	kL	m³	rúmmetri		10–3 L	millilítri	ml	mL	cm³	rúmsentimetri (cc)
106 L	megalítri	Ml	ML	dam³	rúmdekametri		10–6 L	míkrólítri	µl	µL	mm³	rúmmillimetri
109 L	gígalítri	Gl	GL	hm³	rúmhektómetri		10–9 L	nanólítri	nl	nL	106 µm³	1 miljón rúmmíkrómetri
1012 L	teralítri	Tl	TL	km³	rúmkílómetri		10–12 L	píkólítri	pl	pL	103 µm³	1 þúsund rúmmíkrómetrar
1015 L	petalítri	Pl	PL	103 km³	1 þúsund rúmkílómetrar		10–15 L	femtólítri	fl	fL	µm³	rúmmíkrómetri
1018 L	exalítri	El	EL	106 km³	1 milljón rúmkílómetrar		10–18 L	attólítri	al	aL	106 nm³	1 milljón rúmnanómetrar
1021 L	zettalítri	Zl	ZL	Mm³	rúmmegametri		10–21 L	zeptólítri	zl	zL	103 nm³	1 þúsund rúmnanómetrar
1024 L	yottalítri	Yl	YL	103 Mm³	1 þúsund rúmmegametrar		10–24 L	yoktólítri	yl	yL	nm³	rúmnanómetri