![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d2/Montagem_de_Lisboa.png/640px-Montagem_de_Lisboa.png&w=640&q=50)
Lissabon
Höfuðborg Portúgals / From Wikipedia, the free encyclopedia
Lissabon (portúgalska: Lisboa) er höfuðborg og stærsta borg Portúgals. Borgin er staðsett í vesturhluta Portúgals, við Atlantshafið og þar sem áin Tagus rennur í haf. Hún er vestasta höfuðborg á meginlandi Evrópu. Ólíkt mörgum stórborgum eru borgarmörk Lissabon þröngt skilgreind utan um sögufræga hluta borgarinnar. Þetta gerir það að verkum að allmargar borgir eru í kringum Lissabon, t.d. Loures, Odivelas, Amadora og Oeiras, þrátt fyrir að tilheyra með réttu Lissabon. Á stórborgarsvæðinu búa tæpar 2,7 milljónir.
Lissabon
Lisboa (portúgalska) | |
---|---|
![]() Svipmyndir | |
Hnit: 38°43′31″N 09°09′00″V | |
Land | ![]() |
Stjórnarfar | |
• Borgarstjóri | Carlos Moedas |
Flatarmál | |
• Samtals | 100,05 km2 |
Mannfjöldi (2022) | |
• Samtals | 548.703 |
Tímabelti | UTC+0 (WET) |
• Sumartími | UTC+1 (WEST) |
Póstnúmer | 1149-014 Lisboa |
Svæðisnúmer | (+351) 21 XXX XXXX |
Vefsíða | www |
![](http://upload.wikimedia.org/wikipedia/commons/thumb/9/93/Lisbon10.jpg/640px-Lisbon10.jpg)
![](http://upload.wikimedia.org/wikipedia/commons/thumb/9/99/Vista_de_Lisboa.jpg/640px-Vista_de_Lisboa.jpg)
Hinn sögufrægi hluti Lissabon nær yfir sjö mjög brattar hæðir (jafnvel vélhjól komast ekki alltaf upp þær). Vesturhluti borgarinnar samanstendur af einum stærsta náttúrugarði í þéttbýli í Evrópu (garðurinn er nálægt 10 ferkílómetrar að flatarmáli)
Orðsifjar „Lissabon“ eru nokkru myrkri sveipaðar en algengasta ágiskunin er að hún hafi í öndverðunni merk borg Úlissíusar þar sem Úlissíus er talin hafa stofnsett borgina og -ippo merkti borg á fönikísku og því hafa þróast Uliss-ippo > Ulisipona.