![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/48/Outdoors-man-portrait_%2528cropped%2529.jpg/640px-Outdoors-man-portrait_%2528cropped%2529.jpg&w=640&q=50)
Karl
fullorðinn karlkyns einstaklingur / From Wikipedia, the free encyclopedia
Karl, karlmaður eða maður, er karlkyns maður, oftast fullorðinn einstaklingur. Karlkyns barn eða unglingur kallast drengur, strákur eða piltur.
![Thumb image](http://upload.wikimedia.org/wikipedia/commons/thumb/4/48/Outdoors-man-portrait_%28cropped%29.jpg/640px-Outdoors-man-portrait_%28cropped%29.jpg)
Líkt og hjá flestum spendýrum erfir genamengi karlmanns yfirleitt X-litning frá móður og Y-litning frá föður. Kynákvörðun mannsfósturs ræðst af SRY-geni í Y-litningnum. Á kynþroskaskeiði valda karlhormónar þróun annars stigs kyneinkenna sem auka á muninn milli kynjanna. Meðal þessara einkenna eru aukinn vöðvamassi, vöxtur andlitshára og minni líkamsfita. Líkamsgerð karla greinist frá líkamsgerð kvenna annars vegar í æxlunarkerfinu, þar sem karlar eru með getnaðarlim, eistu, sáðrás, blöðruhálskirtil og eistnalyppur; og hins vegar með annars stigs kyneinkennum eins og mjórri mjaðmagrind, grennri mjöðmum og minni brjóstum.
Í mannkynssögunni hafa hefðbundin kynhlutverk oft afmarkað athafnir og tækifæri karlmanna. Dæmi um slíkt er þegar karlmenn eru skyldaðir í herþjónustu og önnur störf þar sem dánartíðni er mikil. Í mörgum trúarbrögðum gilda sérstakar reglur um karla og sum staðar eru drengir umskornir. Karlmenn eru í miklum meirihluta bæði gerenda og fórnarlamba ofbeldis.
Trans menn eru karlmenn sem fæddust með kvenkyns kynákvörðun en hafa karlkyns kynvitund. Intersex-karlar eru karlmenn með ódæmigerð kyneinkenni sem passa ekki við dæmigerða líkamsgerð karla.