Heimsmeistaramót landsliða í knattspyrnu karla 1978 eða HM 1978 var haldið í Argentínu dagana 1. júní til 25. júní. Þetta var ellefta heimsmeistarakeppnin og urðu heimamenn meistarar í fyrsta sinn eftir sigur á Hollandi í úrslitum. Meðalmarkaskorun í mótinu féll niður fyrir þrjú mörk í leik og hefur haldist þar síðan. Þetta var síðasta mótið með sextán þátttökuliðum.
Val á gestgjöfum
Ákvörðunin um staðsetningu mótsins var tekin á þingi FIFA árið 1966. Auk Argentínu höfðu Mexíkó og Kólumbía skilað inn umsóknum, en ákveðið hafði verið að 1978-keppnin skyldi fara fram í Norður- eða Suður-Ameríku. Þegar Mexíkó tryggði sér mótið 1970 féll það frá umsókn sinni og sama gerði Kólumbía.
Mikill pólitískur óstöðugleiki var í Argentínu á sjöunda og áttunda áratugnum þar sem herinn blandaði sér oft í stjórn landsins. Einkennisplakat heimsmeistaramótsins var hannað árið 1974 á skammvinnum seinni valdaferli Juans Perón. Myndin sýndi knattspyrnumann í argentínskum landsliðsbúningi með hendur á lofti, sem minnti á kveðju Perónistahreyfingarinnar. Eftir að herforingjastjórn vék Perón frá völdum freistaði hún þess að breyta plakatinu, en FIFA neitaði.
Undankeppni
Í fyrsta sinn í sögunni skráðu meira en 100 lið sig til keppni. Íran sigraði í keppni Asíu og Eyjaálfuliða án þess að tapa leik. Túnis hreppti sæti Afríku eftir harða keppni. Norður-Ameríkukeppnin 1977, sem fram fór í Mexíkó, var látin gilda sem forkeppni HM og unnu heimamenn alla leiki sína.
Brasilía og Perú tryggðu sér sæti Suður-Ameríku en þriðja liðið í Suður-Ameríkukeppninni, Bólivía, þurfti að leika umspilsleiki við Ungverja um laust sæti og átti Evrópuliðið ekki í vandræðum og vann samanlagt 9:2 í tveimur leikjum.
Ítalir skildu Englendinga eftir á hagstæðari markatölu. Austurríkismenn komust á HM í fyrsta sinn frá 1958 með því að hafna meðal annars fyrir ofan Austur-Þjóðverja. Skotar slógu Evrópumeistarana frá Tékkóslóvakíu úr keppni. Sovétríkin og Júgóslavía, sem lengi höfðu verið í fremstu röð í Evrópu komust heldur ekki áfram.
Ísland tók þátt í forkeppninni og lenti í riðli með Hollendingum, Belgum og Norður-Írum. Uppskeran varð rýr, sigur á Norður-Írum í Reykjavík og fimm töp.
Þátttökulið
Sextán þjóðir mættu til leiks frá fimm heimsálfum.
Leikvangar
Keppt var á sex leikvöngum, en Estadio Monumental í Buenos Aires var sá stærsti og notaður í níu viðureignum, þar á meðal í úrslitunum. Vellirnir þóttu misgóðir og þótti grasið á leikvangnum í Mar del Plata varla boðlegt fyrir leiki af þessari stærðargráðu.
| Buenos Aires | Córdoba | |
|---|---|---|
| Estadio Monumental | Estadio José Amalfitani | Estadio Córdoba |
| Áhorfendur: 74,624 | Áhorfendur: 49,540 | Áhorfendur: 46,083 |
 |
 |
_1.jpg) |
| Mar del Plata | Rosario | Mendoza |
| Estadio José María Minella | Estadio Gigante de Arroyito | Estadio Ciudad de Mendoza |
| Áhorfendur: 43,542 | Áhorfendur: 41,654 | Áhorfendur: 34,875 |
 |
 |
 |
Keppnin
Riðlakeppnin
Keppt var í fjórum riðlum, hverjum með fjórum keppnisliðum. Tvö efstu liðin fóru í milliriðla.
Riðill 1
Ítalir og Frakkar mættust í upphafsleik keppninnar, sem Ítalir unnu þrátt fyrir mark Frakka á upphafsmínútunni. Ítalir og Argentínumenn höfðu tryggt sér sæti í milliriðlum fyrir lokaleikinn.
| Sæti | Lið | L | U | J | T | Sk | Fe | M.munur | Stig | |
|---|---|---|---|---|---|---|---|---|---|---|
| 1 |  | Ítalía | 3 | 3 | 0 | 0 | 6 | 2 | +4 | 6 |
| 2 |  | Argentína | 3 | 2 | 0 | 1 | 4 | 3 | +1 | 4 |
| 3 |  | Frakkland | 3 | 1 | 0 | 2 | 5 | 5 | 0 | 2 |
| 4 |  | Ungverjaland | 3 | 0 | 0 | 3 | 3 | 8 | -5 | 0 |
| 2. júní 1978 | |||
| Ítalía |
2-1 | Frakkland |
Estadio José María Minella, Mar del Plata Áhorfendur: 38.100 Dómari: Nicolae Rainea, Rúmeníu |
| Rossi 29, Zaccarelli 54 | Lacombe 1 |
| 2. júní 1978 | |||
| Argentína |
2-1 | Ungverjaland |
Estadio Monumental, Buenos Aires Áhorfendur: 71.615 Dómari: Antonio Garrido, Portúgal |
| Luque 14, Bertoni 83 | Csapó 9 |
| 6. júní 1978 | |||
| Ítalía |
3-1 | Ungverjaland |
Estadio José María Minella, Mar del Plata Áhorfendur: 26.533 Dómari: Ramón Barreto, Úrúgvæ |
| Rossi 34, Bettega 35, Benetti 61 | A. Tóth 81 (vítasp.) |
| 6. júní 1978 | |||
| Argentína |
2-1 | Frakkland |
Estadio Monumental, Buenos Aires Áhorfendur: 71.666 Dómari: Jean Dubach, Sviss |
| Passarella 45 (vítasp.), Luque 73 | Platini 60 |
| 10. júní 1978 | |||
| Frakkland |
3-1 | Ungverjaland |
Estadio José María Minella, Mar del Plata Áhorfendur: 23.127 Dómari: Arnaldo Cézar Coelho, Brasilíu |
| Lopez 23, Berdoll 38, Rocheteau 42 | Zombori 41 |
| 6. júní 1978 | |||
| Argentína |
0-1 | Ítalía |
Estadio Monumental, Buenos Aires Áhorfendur: 71.712 Dómari: Abraham Klein, Ísrael |
| Bettega 67 |
Riðill 2
Vestur-Þjóverjar og Pólverjar skiptu toppsætum riðilsins eins og búist hafði verið við. Lið Túnis kom þó verulega á óvart og blandaði sér í baráttuna um sæti í milliriðlum. Jafntefli afríska liðsins gegn Vestur-Þjóðverjum kostaði heimsmeistarana toppsætið í riðlinum. Mexíkó mætti til leiks fullt sjálfstrausts en fór heim án stiga.
| Sæti | Lið | L | U | J | T | Sk | Fe | M.munur | Stig | |
|---|---|---|---|---|---|---|---|---|---|---|
| 1 |  | Pólland | 3 | 2 | 1 | 0 | 4 | 1 | +3 | 5 |
| 2 |  | Vestur-Þýskaland | 3 | 1 | 2 | 0 | 6 | 0 | +6 | 4 |
| 3 |  | Túnis | 3 | 1 | 1 | 1 | 3 | 2 | +1 | 3 |
| 4 |  | Mexíkó | 3 | 0 | 0 | 3 | 2 | 12 | -10 | 0 |
| 1. júní 1978 | |||
| Vestur-Þýskaland |
0-0 | Pólland |
Estadio Monumental, Buenos Aires Áhorfendur: 67.579 Dómari: Ángel Norberto Coerezza, Argentínu |
| 2. júní 1978 | |||
| Túnis |
3-1 | Mexíkó |
Estadio Gigante de Arroyito, Rosario Áhorfendur: 17.396 Dómari: John Gordon, Skotlandi |
| Kaabi 55, Ghommidh 79, Dhouieb 87 | Vázquez Ayala 45 (vítasp.) |
| 6. júní 1978 | |||
| Vestur-Þýskaland |
6-0 | Mexíkó |
Estadio Chateau Carreras, Córdoba Áhorfendur: 35.258 Dómari: Farouk Bouzo, Sýrlandi |
| D. Müller 15, H. Müller 30, Rummenigge 38, 73, Flohe 44, 89 |
| 6. júní 1978 | |||
| Pólland |
1-0 | Túnis |
Estadio Gigante de Arroyito, Rosario Áhorfendur: 9.624 Dómari: Ángel Franco Martínez, Spáni |
| Lato 43 |
| 6. júní 1978 | |||
| Vestur-Þýskaland |
0-0 | Túnis |
Estadio Chateau Carreras, Córdoba Áhorfendur: 30.667 Dómari: César Guerrero Orosco, Perú |
| 10. júní 1978 | |||
| Pólland |
3-1 | Mexíkó |
Estadio Gigante de Arroyito, Rosario Áhorfendur: 22,651 Dómari: Jafar Namdar, Íran |
| Boniek 43, 84, Deyna 56 | Rangel 52 |
Riðill 3
Aðeins átta mörk voru skoruð í leikjunum sex. Það mátti að hluta til kenna um afleitum vallaraðstæðum en allir leikir Brasilíu, sem skoraði aðeins tvívegis í riðlinum, fóru fram á glænýjum leikvangi í Mar del Plata. Grjótharður völlurinn gerði það að verkum að lykilmenn liðsins náðu sér ekki á strik eða meiddust. Brasilíumenn voru sannfærðir um að þetta væri ráðabrugg heimamanna til að koma höggi á keppinauta sína. Þær grunsemdir minnkuðu ekki eftir jafnteflisleik gegn Svíum í annarri umferð, þar sem mark var dæmt af Brasilíu í uppbótartíma fyrri hálfleiks þegar Zico skallaði í netið úr hornspyrnu en dómarinn hafði flautað meðan boltinn var í loftinu. Austurríkismenn, sem tóku þátt í úrslitakeppni í fyrsta sinn í tuttugu ár komu mjög á óvart með því að ná toppsætinu.
| Sæti | Lið | L | U | J | T | Sk | Fe | M.munur | Stig | |
|---|---|---|---|---|---|---|---|---|---|---|
| 1 |  | Austurríki | 3 | 2 | 1 | 0 | 3 | 2 | +1 | 4 |
| 2 |  | Brasilía | 3 | 1 | 2 | 0 | 2 | 1 | +1 | 4 |
| 3 |  | Spánn | 3 | 1 | 1 | 1 | 2 | 2 | 0 | 3 |
| 4 |  | Svíþjóð | 3 | 0 | 1 | 2 | 1 | 3 | -2 | 1 |
| 3. júní 1978 | |||
| Austurríki |
2-1 | Svíþjóð |
Estadio José Amalfitani, Buenos Aires Áhorfendur: 40.841 Dómari: Károly Palotai, Ungverjalandi |
| Schachner 10, Krankl 76 | Dani 21 |
| 3. júní 1978 | |||
| Brasilía |
1-1 | Svíþjóð |
Estadio José Maria Minella, Mar del Plata Áhorfendur: 32.569 Dómari: Clive Thomas, Wales |
| Reinaldo 45 | Sjöberg 37 |
| 7. júní 1978 | |||
| Austurríki |
1-0 | Svíþjóð |
Estadio José Amalfitani, Buenos Aires Áhorfendur: 41.424 Dómari: Charles Corver, Hollandi |
| Krankl 42 (vítasp.) |
| 7. júní 1978 | |||
| Brasilía |
0-0 | Spánn |
José Maria Minella, Mar del Plata Áhorfendur: 34.771 Dómari: Sergio Gonella, Ítalíu |
| 11. júní 1978 | |||
| Spánn |
1-0 | Svíþjóð |
Estadio José Amalfitani, Buenos Aires Áhorfendur: 42.132 Dómari: Ferdinand Biwersi, Vestur-Þýskalandi |
| Asensi 75 |
| 11. júní 1978 | |||
| Brasilía |
1-0 | Austurríki |
Estadio José Maria Minella, Mar del Plata Áhorfendur: 35.221 Dómari: Robert Wurtz, Frakklandi |
| Roberto Dinamite 40 |
Riðill 4
.jpg)
Skoska landsliðið mætti fullt sigurvissu til leiks og lét þjálfarinn Ally MacLeod að því liggja að Skotar gætu orðið heimsmeistarar. Þegar til Argentínu var komið logaði allt í deilum milli leikmanna og stjórnenda liðsins og ekki bætti úr skák þegar Skotar steinlágu fyrir Perú í fyrsta leik. Til að bæta gráu oná svart féll Willie Johnston, leikmaður WBA á lyfjaprófi eftir að hafa tekið inn lyf við astma. Í næsta leik mættu Skotar liði Íran og vanmátu andstæðinga sína enn á ný og gerðu 1:1 jafntefli. Silfurlið Hollendinga frá fyrra heimsmeistaramóti vann Íran og gerði jafntefli gegn Perú í tveimur fyrstu leikjunum en þótti leika langt frá sínu besta. Var jafnvel rætt um að skipta út þjálfaranum Ernst Happel fyrir milliriðlanna. Perúbúar nældu í toppsætið, flestum að óvörum eftir sigur á Íran. Lokaleikur riðilsins var milli Hollendinga og Skota þar sem þeir síðarnefndu þurftu þriggja marka sigur til að komast áfram á markatölu. Um tíma virtist kraftaverkið ætla að rætast þegar Skotar komust í 3:1, en Hollendingar minnkuðu muninn aftur og þar við sat. Súrsætur sigur Skota í lokaleiknum er þó talinn meðal bestu úrslita í sögu liðsins á seinustu áratugum.
| 3. júní 1978 | |||
 Perú |
3-1 |  Skotland |
Chateau Carreras, Córdoba Áhorfendur: 37.927 Dómari: Ulf Eriksson, Svíþjóð |
| Cueto 43, Cubillas 71, 77 | Jordan 14 |
| 3. júní 1978 | |||
 Holland |
3-0 |  Íran |
Estadio Ciudad de Mendoza, Mendoza Áhorfendur: 33.431 Dómari: Alfonso González Archundia, Mexíkó |
| Rensenbrink 40 (vítasp.), 52, 78 (vítasp.) |
| 7. júní 1978 | |||
| Skotland |
1-1 | Íran |
Estadio Chateau Carreras, Córdoba Áhorfendur: 7.938 Dómari: Youssou N'Diaye, Senegal |
| Eskandarian 43 (sjálfsm.) | Danaeifard 60 |
| 7. júní 1978 | |||
| Holland |
0-0 | Perú |
Estadio Ciudad de Mendoza, Mendoza Áhorfendur: 28.125 Dómari: Adolf Prokop, Austur-Þýskalandi |
| 11. júní 1978 | |||
| Perú |
4-1 | Íran |
Chateau Carreras, Córdoba Áhorfendur: 21.262 Dómari: Alojzy Jarguz, Póllandi |
| Velásquez 2, Cubillas 36 (vítasp.), 39 (vítasp.), 79 | Rowshan 41 |
| 11. júní 1978 | |||
| Skotland |
3-2 | Holland |
Estadio Ciudad de Mendoza, Mendoza Áhorfendur: 35.130 Dómari: Erich Linemayr, Austurríki |
| Dalglish 45, Gemmill 46 (vítasp.), 68 | Rensenbrink 34 (vítasp.), Rep 71 |
Milliriðlar
Keppt var í tveimur fjögurra liða riðlum. Sigurliðin fóru í úrslitaleikinn en liðin í öðru sæti léku um bronsverðlaunin.
A riðill
Hollendingar hófu riðilinn með látum og unnu stórsigur á Austurríkismönnum. Jafntefli þeirra gegn Vestur-Þýskalandi í hitaleik gerði það að verkum að lokaleikurinn á móti Ítalíu varð hreinn úrslitaleikur. Þar höfðu Hollendingar betur og komust þannig annað skiptið í röð í úrslitaleik HM. Austurríkismenn urðu neðstir í riðlinum en fögnuðu þó sínum menn sem þjóðhetjum eftir sigur á grönnum sínum Vestur-Þjóðverjum í lokaleiknum.
| Sæti | Lið | L | U | J | T | Sk | Fe | M.munur | Stig | |
|---|---|---|---|---|---|---|---|---|---|---|
| 1 | | Holland | 3 | 2 | 1 | 0 | 9 | 4 | +6 | 5 |
| 2 | | Ítalía | 3 | 1 | 1 | 1 | 2 | 2 | 0 | 3 |
| 3 | | Vestur-Þýskaland | 3 | 0 | 2 | 1 | 4 | 5 | -1 | 2 |
| 4 | | Austurríki | 3 | 1 | 0 | 2 | 4 | 8 | -4 | 2 |
| 14. júní 1978 | |||
| Austurríki |
1-5 | Holland |
Estadio Chateau Carreras, Córdoba Áhorfendur: 25.050 Dómari: John Gordonhttps, Skotlandi |
| Obermayer 80 | Brandts 6, Rensenbrink 35 (vítasp.), Rep 36, 53, W. van de Kerkhof 82 |
| 14. júní 1978 | |||
| Ítalía |
0-0 | Vestur-Þýskaland |
Estadio Monumental, Buenos Aires Áhorfendur: 67.547 Dómari: Dušan Maksimović, Júgóslavíu |
| 18. júní 1978 | |||
| Holland |
2-2 | Vestur-Þýskaland |
Estadio Chateau Carreras, Córdoba Áhorfendur: 40.570 Dómari: Ramón Barreto, Úrúgvæ |
| Haan 27, W. van de Kerkhof 82 | Abramczik 3, D. Müller 70 |
| 18. júní 1978 | |||
| Ítalía |
1-0 | Austurríki |
Estadio Monumental, Buenos Aires Áhorfendur: 66.695 Dómari: Francis Rion, Belgíu |
| Rossi 13 |
| 21. júní 1978 | |||
| Austurríki |
3-2 | Vestur-Þýskaland |
Estadio Chateau Carreras, Córdoba Áhorfendur: 38.318 Dómari: Abraham Klein, Ísrael |
| Vogts 59 (sjálfsm.), Krankl 66, 87 | Rummenigge 19, Hölzenbein 68 |
| 21. júní 1978 | |||
| Ítalía |
1-2 | Holland |
Estadio Monumental, Buenos Aires Áhorfendur: 67.433 Dómari: Angel Franco Martínez, Spáni |
| Brandts 19 (sjálfsm.) | Brandts 49, Haan 76 |
B riðill
Markalaust jafntefli í leik Argentínu og Brasilíu í annarri umferð hafði í för með sér að bæði lið þurftu að reyna að vinna lokaleik sinn með sem mestum mun. Þar sem viðureign Argentínu og Perú fór fram síðar um daginn, vissu heimamenn að þeir þyrftu að vinna stórsigur. Þrálátur orðrómur hefur alla tíð verið um að úrslitunum hafi verið hagrætt.
| 14. júní 1978 | |||
| Brasilía |
3-0 | Perú |
Estadio Malvinas Argentinas, Mendoza Áhorfendur: 31.278 Dómari: Nicolae Rainea, Rúmeníu |
| Dirceu 15, 27, Zico 72 (vítasp.) |
| 14. júní 1978 | |||
| Argentína |
2-0 | Pólland |
Estadio Gigante de Arroyito, Rosario Áhorfendur: 37.091 Dómari: Ulf Eriksson, Svíþjóð |
| Kempes 16, 71 |
| 18. júní 1978 | |||
| Perú |
0-1 | Pólland |
Estadio Malvinas Argentinas, Mendoza Áhorfendur: 35.288 Dómari: Pat Partridge, Englandi |
| Szarmach 65 |
| 18. júní 1978 | |||
| Argentína |
0-0 | Brasilía |
Estadio Gigante de Arroyito, Rosario Áhorfendur: 37.326 Dómari: Károly Palotai, Ungverjalandi |
| 21. júní 1978 | |||
| Brasilía |
3-1 | Pólland |
Estadio Malvinas Argentinas, Mendoza Áhorfendur: 39.586 Dómari: Juan Silvagno Cavanna, Síle |
| Nelinho 13, Roberto Dinamite 58, 63 | Lato 45 |
| 21. júní 1978 | |||
| Argentína |
6-0 | Perú |
Estadio Gigante de Arroyito, Rosario Áhorfendur: 37.315 Dómari: Robert Wurtz, Frakklandi |
| Kempes 21, 49, Tarantini 43, Luque 50, 72, Houseman 67 |
Bronsleikur
Brasilíumenn hlutu þriðja sætið, þrátt fyrir að lenda undir á móti Ítölum.
| 24. júní 1978 | |||
| Brasilía |
2-1 | Ítalía |
Estadio Monumental, Buenos Aires Áhorfendur: 69.659 Dómari: Abraham Klein, Ísrael |
| Nelinho 64, Dirceu 71 | Causio 38 |
Úrslit
Hollendingar töpuðu sínum öðrum úrslitaleik í röð þegar liðið laut í lægra haldi fyrir gestgjöfunum eftir framlengda viðureign. Nokkur töf varð á að leikurinn gæti hafist, þar sem Argentínumenn gerðu athugasemdir við hlífðarbúnað á úlnlið René van de Kerkhof, sem Hollendingar töldu hluta af sálfræðistríði heimamanna. Dómari leiksins gerði Kerkhof að búa betur um hlífina. Olli sú ákvörðun mikilli óánægju Hollendinga sem neituðu að taka þátt í verðlaunaafhendingu að leik loknum.
Mario Kempes tók forystuna fyrir Hollendinga, en Dick Nanninga jafnaði síðla leiks. Minnstu munaði að Holland stæli sigrinum í lokin, en skot þeirra fór í stöngina. Í framlengingunni kom Kempes Argentínu yfir á nýjan leik og undir lokin renndi Daniel Bertoni knettinum í netið eftir góðan undirbúning frá Kempes sem var valinn bæði maður leiksins og mótsins.
| 25. júní 1978 | |||
| Argentína |
3-1 (e.framl.) | Holland |
Estadio Monumental, Buenos Aires Áhorfendur: 71.483 Dómari: Sergio Gonella, Ítalíu |
| Kempes 38, 105, Bertoni 115 | Nanninga 82 |
Markahæstu leikmenn
102 mörk voru skoruð í keppninni og skiptust þau niður á 62 leikmenn, þar af voru þrjú sjálfsmörk.
- 6 mörk
- 5 mörk
Rob Rensenbrink
Teófilo Cubillas
- 4 mörk
Leopoldo Luque
Hans Krankl
- 3 mörk
Dirceu- Roberto Dinamite
Paolo Rossi- Johnny Rep
Karl-Heinz Rummenigge
Heimildir
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
